Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Іri kásiporyndar aınalasynda shaǵyn jáne orta bıznes beldeýi qurylady

2022 jyldyń 26 mamyr 2022 11:46

NUR-SULTAN. QazAqparat – Monoqalalardy damytý máselesine erekshe ekpin qoıylyp otyr. Bul týraly Senatta «Halyqtyń tabysyn arttyrýdyń 2025 jylǵa deıingi baǵdarlamasy» keshendi josparyn iske asyrýdy talqylaý kezinde Premer-Mınıstrdiń orynbasary Eraly Toǵjanov málim etti, dep habarlaıdy QazAqparat tilshisi.

«Іri jobalardyń ekonomıkaǵa qosatyn úlesimen qatar, olardy halyqtyń ál-aýqatyn arttyrýǵa baǵyttaý mindeti tur. Osy sebepti, jańa óndiris oryndaryn qurý jobalary tek iri qalalardy ǵana emes, aýyldyq eldi mekender (52,4 myń oryn) men monoqalalardy (11,1 myń oryn) qamtıdy. Monoqalalardy damytý máselesine erekshe ekpin qoıylyp otyr. Sondyqtan Qaraǵandy oblysynyń Saran qalasy úlgisinde monoqalalardy qalpyna keltirý mindeti tur. Qalada iske qosylatyn 3 negizgi joba shına óndirisi («KAMATYRESKZ»), turmystyq tehnıka («ARTEL»), júk avtomobılderin («QAZTEHNA») óndirýge baǵyttalǵan. Onda barlyǵy 2500 jumys orny qurylyp otyr», - dedi E. Toǵjanov.

Onyń aıtýynsha, azamattardyń kásipkerlikten túsetin tabysyn arttyrý maqsatynda elimizde 50-den asa iri kásiporyn aınalasynda Shaǵyn jáne orta bıznes beldeýin qurý kózdelgen.

«Onyń bir kórinisi retinde, Qyzylorda oblysyndaǵy shyny zaýytyn aıtýǵa bolady. Onyń aınalasynda 8 shaǵyn zaýyttan turatyn shaǵyn jáne orta kásipkerlik beldeýi qalyptasqan», - dedi Úkimet basshysynyń orynbasary.

Budan buryn habarlanǵandaı, E.Toǵjanov «Samuryq-Qazyna» qory kompanııalar tobyndaǵy óndiris jumysshylarynyń jalaqasy kóteriletinin aıtty.

Ekonomıkanyń túrli salalarynda ınvestıtsııalyq jobalardy iske asyrý esebinen 2025 jylǵa deıin 2 mln-nan astam jańa jumys orny qurylady.


Avtor Rýslan Ǵabbasov
Basty sózder: Senat,
Joǵary qaraı