Aýa raıy
Astana 2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Іshki naryqtaǵy suranys otandyq azyq-túlik taýarlary esebinen jabyldy – Baqyt Sultanov

2020 jyldyń 15 qyrkúıek 2020 10:02

NUR-SULTAN. QazAqparat – 2020 jyldyń basynan beri áleýmettik mańyzy bar azyq-túlik taýarlarynyń baǵasy 4,4 paıyzǵa ósti. Bul týraly QR Saýda jáne ıntegratsııa mınıstri Baqyt Sultanov málim etti, dep habarlaıdy QazAqparat tilshisi.

«Bıyldyń basynan bastap áleýmettik mańyzy bar azyq-túlik taýarlarynyń baǵasy 4,4 paıyzǵa ósti. Negizgi ósimdi qaraqumyq jarmasy men qant, sábiz ben kartop kórsetti. Basty sebebi egistik aýmaǵynyń qysqarýy men maýsymdyq faktor. Jyl basynan beri áleýmettik mańyzy bar azyq-túlik taýarlarynyń ósimi barlyq aımaqtarda baıqalady. Degenmen taýarlardyń kópshiligi boıynsha ishki naryqtaǵy suranys otandyq azyq-túlik taýarlary esebinen jabyldy», - dedi mınıstr Úkimet otyrysynda.

Onyń sózine qaraǵanda, áleýmettik mańyzy bar azyq-túlik taýarlarynyń bes túrinde baǵanyń tómendeýi baıqalyp otyr. Máselen, qyryqqabaqtyń baǵasy 21,4 paıyzǵa tómendedi.

«Jalpy ósim kórsetkishi 2019 jyldyń uqsas kezeńimen salystyrǵanda eki ese tómen. Atalǵan ósýdiń 90 paıyzy, ıaǵnı 4,1 protsenttik pýnkti, elde tótenshe jaǵdaı rejımi engizilgen kezeńde tirkeldi. Bunyń negizgi sebepteri karantındik sharalarmen baılanysty azyq-túlikke degen erekshe suranys jáne logıstıka men taýar tasymaldaý sharttarynyń ózgerýi, maýsymaralyq kezeńdegi tapshylyq boldy», - dedi B. Sultanov.

«Sonymen qatar, bıylǵy mamyr aıynan bastap baǵa ósimi rettele bastady. Atap aıtqanda, baǵalar mamyrda 0,1 paıyzǵa ósti, maýsym men shildede óspeı, tamyzda tipti -1 paıyzǵa tómendedi», - dedi mınıstr.


Joǵary qaraı