Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Іshki tazalyq pen turaqtylyqty saqtańyzdar – Indýstrııa mınıstri kadrlyq rezerv jastaryna

2021 jyldyń 12 maýsym 2021 20:13

NUR-SULTAN. QazAqparat – QR Indýstrııa jáne ınfraqurylymdyq damý mınıstri Beıbit Atamqulov Prezıdenttik jastar kadrlyq rezerviniń qatysýshylaryna aqyl-keńes berdi, dep habarlaıdy QazAqparat tilshisi.

«Keıbir elderde zańdary ondaǵan, tipti júzdegen jyldar boıy ózgermeıdi. Osylaı qabyldandy, bitti. Árıne, ýaqyt ózgeredi, jańa býyn keledi, qandaı da bir syn-qaterler paıda bolady. Biraq turaqtylyq olardyń ósýine jáne únemi alǵa jyljýyna kómektesedi. Munda valıýtanyń turaqtylyǵyn, zańdardyń turaqtylyǵyn, erejelerdiń turaqtylyǵyn jáne basqalaryn aıtamyz. Sondyqtan sizder úshin, kóshbasshylar úshin ómirlik qaǵıdalardyń biri – ishki turaqtylyq, ishki arqaý, ishki tazalyq pen tártip erejesi bolýy kerek. Bul qaǵıdalardy buzýǵa bolmaıdy.

Bir nárseni sheshý úshin bir ret te buzsańyz, ishińizde dısbalans ornaıdy. Bul dısbalansty toqtatý qıyn jáne adam maıatnıkteı shaıqalýy múmkin. Al mundaı adam kóshbasshy jáne jetekshi bola almaıdy. Bolǵan kúnniń ózinde de jaqsy jetekshi bola almaıdy», - dedi mınıstr elordada Prezıdenttik jastar kadrlyq rezerviniń forýmynda.

Spıker árqashan oń nátıjege jetýge maqsat qoıý qajettigin aıtty.

«Kez kelgen isti bastaǵanda árqashan onyń nemen aıaqtalatynyn oılaý kerek. Jáne nátıje árqashan oń bolýy tıis. Sizderde ambıtsııa bar. Barlyq adamǵa ambıtsııa kerek. Alǵa shyǵyp, óz sońynan top erte alýy úshin durys ambıtsııa qajet dep oılaımyn (...) Taǵy bir aıtarym, jegen taǵamnan bastap, júris-turysqa, aqparatty tutynýǵa, adamdarmen sóılesýge ishki fıltr ornatýǵa tyrysyńyzdar. Aınalany jaqsy adamdarmen qorshap, óz isterińizdiń sheberi bolyńyzdar», - dedi B. Atamqulov.

Aıta keteıik, elordada Prezıdenttik jastar kadrlyq rezerviniń forýmy ótti. Forým rezervshilerdiń bastamasymen uıymdastyrylǵan.

Sonymen birge jıynǵa QR Premer-Mınıstriniń orynbasary Eraly Toǵjanov, QR Aqparat jáne qoǵamdyq damý mınıstri Aıda Balaeva, Bilim jáne ǵylym mınıstri Ashat Aımaǵambetov, Tsıfrlyq damý jáne aeroǵarysh ónerkásibi mınıstri Baǵdat Mýsın jáne Mádenıet jáne sport mınıstri Aqtoty Raıymqulova qatysty.



Joǵary qaraı