Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Ispanııa pandemııa kezinde kóz jumǵan 28 myń adamdy eske aldy

2020 jyldyń 16 shilde 2020 17:07

BRıÝSSELЬ. QazAqparat – Ispanııa eldegi koronavırýstan qaıtys bolǵan 28 myńnan astam adamdy eske aldy, dep habarlaıdy QazAqparattyń menshikti tilshisi.

Koroldik juptyń basshylyǵymen Madrıdte ótken is-sharaǵa 50-ge jýyq qonaq qatysty. Olardyń qatarynda qurban bolǵandardyń týystary, eldiń laýazymdy tulǵalary, Eýrokomıssııa, Eýroparlament jáne Eýropa odaǵy basshylary bar.

Korol Fılıpp vırýs saldarynan jaqyndarynan aıyrylǵandardyń barlyǵyna kóńil aıtty.

«Bul daǵdarys bizge synaq boldy. Sonymen qatar, ol óz ómirin qaýipke tige otyryp, basqalarǵa adaldyǵyn saqtap, qaısarlyq tanyta alatyn azamattardyń bar ekenin kórsetti», - dep atap ótti ol.

Monarh memleket kómekteskenderdiń bárine qaryzdar ekenin aıtyp, ıspan halqyn birlikke shaqyrdy. «Alǵa qadam basý úshin bilimdi, qaısar jáne iske adal bolý kerek» ekenin atap ótti.

Rásim meksıkalyq aqyn Oktavıo Pastyń «Únsizdik» óleńimen aıaqtalyp, sodan keıin bir mınýt únsizdik jarııalandy.

Ispanııa – koronavırýstan qaıtys bolǵandar sany boıynsha Eýropa elderiniń arasynda tórtinshi orynda tur.

Epıdemııa 28,4 myń adamnyń ómirin qıdy, vırýs juqtyrǵandar sany 304,5 myń adamnan asty.


Avtor: Tımýr Dúısekeev


Basty sózder: Koronavırýs, Eýropa, Álem,
Joǵary qaraı