Aýa raıy
Astana -12 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Italııa mýzykanty Dımashtyń ánderin qazaqsha oryndap, kaver jazyp júr

2020 jyldyń 11 qarasha 2020 00:15

NUR-SULTAN. QazAqparat - Italııalyq vokalıst jáne óńdeýshi Fabıo Kasale qazaq tilin úırenýge ne túrtki bolǵanyn aıtyp berdi, dep habarlaıdy QazAqparat Dimashnews resýrsyna silteme jasap.

Fabıo Kasale Italııanyń astanasy Rımde dúnıege kelgen. Es bilgennen ónerge jaqyn ósip, án aıtty. Bul - qalypty jaǵdaı, óıtkeni onyń eli mýzyka óneriniń besigi sanalady. Barlyq ıtalıandyqtardyń tabıǵatynda mýzykaǵa qumarlyq pen beıim bar.

Fabıo gıtaranyń birneshe túri, bass pen fortepıanoda oınaıdy. Mýzykant Devıd Boýı, Freddı Merkıýrı sekildi uly oryndaýshylardan shabyt alatyn. Al jaqynda ol «S.O.S» ánin tyńdap, Dımashtyń shyǵarmashylyǵymen tanysty.

Dımashtyń eń joǵary jáne óte tómen notalardy erkin alý qabileti Fabıony tańǵaldyrdy. Qazaq ulynyń ónerine tánti bolǵan ol kaver jasaýdy oıǵa aldy.




Fabıo qazaq tilin bilmeıdi. Alaıda ándi ekpinsiz qalaı oryndady degen saýalǵa ol mátindi taldaýǵa kóp ýaqyt jumsaıtynyn aıtty.

«Samal taýǵa» kaver jasaý óte qıyn boldy, óıtkeni men qazaq tilin múldem bilmeımin. Ár mátinniń mazmunyna muqııat nazar aýdaryp, maǵynasyn túsinip, tyńdaý arqyly túsinýge týra keldi», – deıdi Fabıo.

Fabıonyń armany - Dımashpen birge án salý. Bolashaqta birlesken kompozıtsııa jazýdy da oıǵa alyp júr. Jaqynda ol qazaqstandyq ánshige «Angelo senza confine» (Shekarasyz perishte) atty ánin arnady. Onda Dımashqa aıtqysy kelgen oıyn mýzyka arqyly jetkizgen.




Qazir Fabıo Dear-lar úshin taǵy birneshe tosynsyı daıyndap jatyr. «Samal taýdan» basqa, ol Dımashtyń ánine taǵy bir kaver shyǵarýdy josparlap otyr. Odan soń óz ánderin jazýdy bastamaqshy.


Joǵary qaraı