Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Italııa vaktsınaǵa kúsh bermeıtin koronavırýs mýtatsııasy tabylǵanyn málimdedi

2021 jyldyń 3 naýryz 2021 09:22

NUR-SULTAN. QazAqparat – Koronavırýstyń jańa mýtatsııasy – nıgerııalyq shtamm Italııanyń soltústiginde, Breshııada tabyldy, dep habarlaıdy QazAqparat ANSA agenttigine silteme jasap. Italııalyq vırýsologter qoǵamynyń prezıdenti jáne mıkrobıologııalyq zerthananyń dırektory Arnaldo Karýzo bul shtamǵa qarsy qolda bar vaktsınalar tıimsiz bolýy múmkin dep sanaıdy.

«Italııada alǵash ret biz qazirgi vaktsınalar tıimsiz bolýy múmkin mýtatsııalary bar shtamdy (nıgerııalyq) anyqtadyq», – deıdi sarapshy. Degenmen shtamnyń erekshelikteri týraly málimetter berilmegen.

Ótken jyldyń kókteminde pandemııadan zardap shekken Breshııa aımaǵynda koronavırýs juqtyrǵandar sany taǵy da artyp keledi. Bul óz kezeginde karantın sharalaryn qataıtýǵa ákeledi.

Densaýlyq saqtaýdyń joǵary ınstıtýtynyń málimetteri boıynsha, qazirgi ýaqytta eldegi naýqastardyń 54-64% brıtanııalyq shtamm juqtyrǵandar. Aqpan aıynyń basynda onyń úlesi 20%-dan az boldy.

Italııalyq mamandar pandemııanyń «úshinshi tolqynynyń» bastalatyndyǵyn aıtady. Úkimet epıdemıologııalyq jaǵdaıy qolaısyz «qyzyl» aımaqtardaǵy barlyq mektepter men balabaqshalardy jabý týraly sheshim qabyldady. Onda ár 100 myń turǵynnyń 200-250-i KVI juqtyrǵan. Osy ýaqytqa deıin kishi mektep pen balabaqshalar shaǵyn lokdaýn jaǵdaıynda jumys istegen.

Italııada pandemııa bastalǵannan beri juqtyrǵandardyń sany 3 mıllıonǵa jaqyndap keledi, koronavırýs ınfektsııasynyń saldarynan 98 myńnan astam adam qaıtys boldy. Seısenbi kúni taratylǵan Densaýlyq saqtaý mınıstrliginiń málimetterine sáıkes, sońǵy táýlikte juqtyrǵandar sany 17 myńǵa, ólim-jitim 343-ke ósti.


Basty sózder: Koronavırýs, Álem,
Joǵary qaraı