Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Izraıl 18 jastan asqan qaýip tobyndaǵy adamdarǵa vaktsınanyń 4-dozasyn maquldady

2022 jyldyń 27 qańtar 2022 14:40

NUR-SULTAN. QazAqparat - Izraıldiń Densaýlyq saqtaý mınıstrligi 18 jastan asqan jáne ilespe aýrýlary bar, sondaı-aq qaýip tobyndaǵy adamdarǵa, olardy kútýshilerge koronavırýs vaktsınasynyń tórtinshi dozasyn egýdi maquldady. Bul týraly Izraıldiń Densaýlyq saqtaý mınıstrligi baspasóz qyzmetinen habarlady, dep jazady QazAqparat TASS aqparat agenttigine silteme jasap.

Izraıl Densaýlyq saqtaý mınıstrliginiń bas dırektory Nahman Eshtiń aıtýynsha, 60 jastan asqan adamdar úshin vaktsınanyń tórtinshi dozasy, atalǵan ınfektsııadan qorǵaýdyń úshinshi dozamen salystyrǵanda – eki ese, syrqattyń aýyr aǵymynan jáne aýrýhanaǵa jatqyzýdan 3-5 ese joǵary qorǵaıdy. «Vaktsınanyń tórtinshi ınektsııasy úshinshi dozany alǵannan tórt aı ótken soń engiziledi», - dep tolyqtyrdy mınıstrlikten.

25 qańtarda Densaýlyq saqtaý mınıstrliginiń Saraptamalyq keńesi úshinshi ınektsııany alǵan nemese bes aı buryn kovıdpen aýyrǵan 18 jastaǵy jáne odan asqan azamattarǵa elde koronavırýsqa qarsy vaktsınanyń tórtinshi dozasymen egýdi bastaýdy usyndy. Onyń kúshine enýi týraly usynymdy departamenttiń bas dırektory bekitýi kerek.

Izraılde 2020 jyldyń 20 jeltoqsanynda halyqty koronavırýsqa qarsy vaktsınatsııa bastaldy. El turǵyndary úshinshi dozany 2021 jylǵy shilde aıynyń sońynda ala bastady, tórtinshi ınektsııa 60 jastan asqan adamdarǵa, medıtsına qyzmetkerlerine jáne qaýip tobyna jatatyn naýqastarǵa 2022 jyldyń qańtar aıynyń basynda salyna bastady.

Densaýlyq saqtaý mınıstrliginiń málimetinshe, 6,68 mıllıon adam ekpeniń bir dozasyn, 6,07 mıllıony eki dozany, 4,43 mıllıony úsh dozasyn, 611 myńy tórt dozasyn alǵan. El halqynyń jalpy sany – 9,3 mıllıon adam.


Joǵary qaraı