Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Izraıl men Shveıtsarııada maımyl sheshegi anyqtaldy

2022 jyldyń 23 mamyr 2022 08:45

NUR-SULTAN. QazAqparat – Izraıl men Shveıtsarııada maımyl sheshegin juqtyrýdyń alǵashqy oqıǵalary rastaldy. Búginde aýrý anyqtalǵan elder sany 14-ke jetti. Bul týraly QazAqparat BBC aqparat agenttigine silteme jasap habarlaıdy.

Eki elde de aýrýdy birinshi juqtyrǵandar jaqynda ǵana shetelden kelgen. Izraılde ınfektsııanyń birneshe jaǵdaıy zerdelený ústinde.

Maımyl sheshegi Ortalyq jáne Batys Afrıkada jıi kezdesedi. Bul aımaqtan tys jerde onyń qozdyrǵyshyn kóbinese sol jerde bolǵan adamdar men janýarlar tasymaldaıdy.

AQSh, Kanada, Avstralııa jáne Eýropada maımyl shesheginiń jańa jaǵdaılary zerttelýde.

Osy aptada AQSh, Kanada, Ispanııa, Portýgalııa, Ulybrıtanııa, Frantsııa, Italııa, Shvetsııa jáne Avstralııa bıligi de óz aýmaǵynda aýrýdyń órshýin rastady.

Álemde ınfektsııanyń 80-ge jýyq rastalǵan jaǵdaıy týraly habarlanǵan, biraq Dúnıejúzilik densaýlyq saqtaý uıymy maımyl sheshegin juqtyrdy degen kúdikke ilingen taǵy 50 patsıent týraly aıtty, biraq qaı elde anyqtalǵany atamaı otyr. Uıym aýrý sanynyń áli de artatynyn eskertti.

Ǵalymdar indettiń osynsha qarqyndy taralatynyn kútken joq, dese de maımyl sheshek adamnan adamǵa ońaı juqpaıdy. Brıtandyq densaýlyq saqtaý qyzmetiniń málimetinshe, aýrý ádette jeńil ótedi, adamdardyń kóbi birneshe apta ishinde saýyǵyp ketedi.


Basty sózder: Álem, Densaýlyq, Medıtsına,
Joǵary qaraı