Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Jas Otan Aqmola oblysynda 25 myń jastyń jumysqa ornalasýyna kómektespek

2020 jyldyń 15 qyrkúıek 2020 17:42

NUR-SULTAN. QazAqparat – «Jas Otan» jastar qanatynyń Aqmola oblysy boıynsha fılıalynyń tóraǵasy Sultanbek Bekeshov óńir jastaryn jumyspen qamtý baǵytynda qandaı sharalar atqarylyp jatqanyn aıtyp berdi, dep habarlaıdy QazAqparat tilshisi.

«Aqmola oblysynda «Dıplommen aýylǵa» baǵdarlamasy aıasynda 4,9 myń stýdent jumysqa jumyldyryldy. Jalpy alsaq, 2,7 myń azamat pedagogıka salasyna, 700-ge tarta azamat densaýlyq salasynda jumysqa ornalasty. Aldaǵy bes jylda jyl saıyn biz «Dıplommen aýylǵa» baǵdarlamasy boıynsha aýyldarǵa 600 azamatty jiberýdi kózdep otyrmyz», - dedi Sultanbek Bekeshov OKQ-da ótken baspasóz máslıhatynda.

Onyń aıtýynsha, «Jas Otan» Jastar qanatynyń Aqmola oblystyq fılıaly jyl saıyn joǵary oqý oryndaryn bitiretin stýdenttermen kezdesý ótkizedi.

«Osylaısha bes jyl ishinde biz aýyldarǵa «Dıplommen aýylǵa» baǵdarlamasy aıasynda 3,6 myń azamatty jibergeli otyrmyz. Jastardy jumyspen qamtý aıasynda «Jastar praktıkasy» baǵdarlamasy sheńberinde 1,8 myń azamat tájirıbeden ótip, onyń myń jarymy jumysqa ornalasty», - deıdi ol.

Sultanbek Bekeshov bul tájirıbe jalǵasyn tabatynyn málim etti.

«Jasyl el» baǵdarlamasy aıasynda jylyna 700 adamdy jumyspen qamtýdy josparlap otyrmyz. Osylaısha 5 jyldyń ishinde Aqmola oblysynda 25 myń jas mamannyń jumysqa ornalasýyna kómektessek deımiz», - dep túıdi ol.


Joǵary qaraı