Aýa raıy
Astana -12 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

«JETI QAZYNA» monetalaryn qabyldaýdan bas tartqan kásipkerler aıyppul tóleıdi – Ulttyq bank

2020 jyldyń 19 qarasha 2020 14:05

ALMATY.QazAqparat – QR Ulttyq banki qolma-qol aqsha aınalymy departamentiniń dırektory Jomart Qajmuratov «Dala qazynasy» serııasymen shyqqan «JETI QAZYNA» monetalardyń aınalymǵa túsýi týraly túsinikteme berdi, dep habarlaıdy QazAqparat tilshisi.

Onyń aıtýynsha, «Dala qazynasy» serııasymen shyqqan «JETI QAZYNA» monetalary birqatar aımaqtarda aınalymǵa endi. Olar turaqty aınalymdaǵy monetalarmen qatar qoldanylady.

«100 teńgelik bıkolorly aınalystaǵy monetalar 7 túrde daıyndalǵan. Olar – «ER JIGIT», «SULÝ ÁIEL», «QUMAI TAZY», «AQYL BILIM», «BEREN MYLTYQ», «JÚIRIK AT» jáne «QYRAN BÚRKIT». Tehnıkalyq sıpattamasy jaǵynan olar basqa aınalystaǵy nomınaly 100 teńgelik monetalarmen birdeı. Zańdy tólem quraly. ıAǵnı tólemderdiń barlyq túrleri úshin qabyldanýy qajet. Olardy taýarlar men qyzmetterge aqy tóleýge paıdalanýǵa bolady. Monetalardyń parametrleri ózgerissiz saqtalǵanyn atap ótkim keledi», - dedi Jomart Qajmuratov.

Eger kásipkerler monetalardy qabyldaýdan bas tartsa, onda QR Ákimshilik kodeksiniń 206-babyna sáıkes olarǵa eskertý beriledi. Eger jaǵdaı bir jyl ishinde qaıtalansa, 5-ten 25 AEK-ke deıingi mólsherde aıyppul qarastyrylǵan.

Turǵyndar óz aryz, shaǵymdarymen jaqyn mańdaǵy Ulttyq banktiń fılıalyna júgine alady.


Joǵary qaraı