Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Junior Eurovision 2021» ulttyq irikteýiniń 10 fınalısi anyqtaldy

2021 jyldyń 13 qazan 2021 10:05

NUR-SULTAN. QazAqparat - 12 qazan kúni «Habar» telearnasynyń tikeleı efırinde «Junior Eurovision 2021» halyqaralyq án baıqaýynyń Ulttyq kezeńinde fınalǵan ótken 10 oryndaýshynyń esimi belgili boldy, dep habarlaıdy QazAqparat telearnanyń baspasóz qyzmetine silteme jasap.

Kórermenderdiń onlaın daýys berýi jobanyń resmı saıtynda (jevision.khabar.kz) ótkizildi. Onyń nátıjesimen 10 fınalıst anyqtaldy:

1. Amantaı Aıganym Aıbekqyzy

2. Beknur Jánibekuly

3. Asgatova Amına Baýrjankyzy

4. Saakıan Armen Ervandovıch

5. Hamzın Alınýr Azamatovıch

6. Tabarına Ekaterına Denısovna

7. Makım Jan Alıuly

8. Túgelbaı Álimjan Maırambekuly

9. Jumabaı Abilqaıyr Dosanuly

10.Sýlenova Adına Erlanovna

Gala-kontsert 2021 jyldyń 6 qarashasynda «Habar» telearnasynyń tikeleı efırinde ótedi. Ótken jylǵy dástúrmen elimizdiń kompozıtorlary fınalısterge arnap 10 án jazyp beretin bolady. «Junior Eurovision» Ulttyq irikteý jeńimpazyn ádil qazylar alqasynyń baǵalaýy jáne qazaqstandyqtardyń SMS-daýys berý nátıjeleri anyqtaıdy. Ulttyq irikteý jeńimpazy Qazaqstannyń atynan 19 jeltoqsan kúni Parıjde óner kórsetedi.

Eske salaıyq, atalmysh baıqaýǵa Qazaqstan tórtinshi ret qatysady. Bul - «Habar» agenttiginiń Eýropalyq habar taratý odaǵynyń (EVU) qaýymdasqan múshesi atanýynyń arqasynda múmkin bolyp otyr.

Ulttyq irikteýdiń áleýmettik jelilerdegi resmı paraqshalary: @jevision.kz; @msm.govrk


Basty sózder: BAQ, Mádenıet, Óner, Qoǵam,
Joǵary qaraı