Aýa raıy
Astana -4 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

«Junior Eurovision» baıqaýy: Ulttyq irikteý fınaly tikeleı efırinde ótedi

2020 jyldyń 25 qyrkúıek 2020 08:57

NUR-SULTAN. QazAqparat - 26 qyrkúıek kúni jyl saıynǵy «Junior Eurovision» halyqaralyq án baıqaýy Ulttyq irikteýiniń fınaly ótedi, dep habarlaıdy QazAqparat.

«Habar» telearnasynyń tikeleı efırinde 12 fınalıst elimizdiń tanymal kompozıtorlarynyń arnaıy jazǵan avtorlyq ánderimen óner kórsetedi. Translıatsııanyń bastalý ýaqyty - 18.30.

Ulttyq irikteý jeńimpazy qazylar alqasynyń baǵalaý qorytyndysy jáne telekórermenderdiń SMS-daýys berý nátıjeleri boıynsha anyqtalady.

Ulttyq irikteýdiń fınalısteri:

1. Saıpolda Islam, 11 jas, Nur-Sultan q.

2. Býrhanova Adııa, 12 jas, Almaty q.

3. Jumajan Aıdana, 14 jas, Almaty q.

4. Manarbekqyzy Aqjibek, 14 jas, Nur-Sultan q.

5. Makım Jan, 11 jas, Almaty q.

6. Mýkıtanova Aıym, 13 jas, Kókshetaý q.

7. Ǵazızqyzy Kamıla, 13 jas, Nur-Sultan q.

8. Altynbekqyzy Sanııa, 13 jas, Semeı q.

9. Tursynova Mahınýr, 14 jas, Almaty q.

· Kýsanova Nurshat, 10 jas, Atyraý q.

· Tileýbek Áıkerim, 13 jas, Nýr-Sýltan q.

· Bashanova Qaraqat, 12 jas, Almaty oblysy, Talǵar, Rysqulov aýyly.

Oryndalatyn ánderdi tanymal qazaqstandyq kompozıtorlar Arman Dúısenov, Hamıt Shanǵalıev, Baýyrjan Bımahan, Rýslan Shernızar, Erbol Narıman, Shyryn Bazarqulova, Edýard Berǵalıev jáne Álı Oqapov shyǵardy.

Ulttyq irikteýdiń qazylar alqasynyń quramyn «Qazaqkontsert» Memlekettik kontserttik uıymynyń dırektory Jeńis Seıdollauly, «Habar» telearnasynyń dırektory Dınara Bısembına, ánshi-kompozıtor Qaırat Baekenov, Dımash Qudaıbergenniń saýndprodıýseri Erlan Bekchýrın, T. Júrgenov atyndaǵy Qazaq ulttyq óner akademııasynyń dekany, prodıýseri Baǵym Muhıtdenova jáne halyqaralyq mýzykalyq baıqaýlardyń jeńimpazdary - Janar Duǵalova, Ámire, Dinaya jáne Mádı Syzdyqov tolyqtyrdy. Sondaı-aq, Ulttyq irikteýge arnaıy shaqyrylǵan ádil-qazy múshesi - belgili kompozıtor, prodıýser, «Eurovision Song Contest» án baıqaýyndaǵy Ázirbaıjan delegatsııasynyń jetekshisi Isa Melıkov te qatysty.




Basty sózder: Mádenıet, Vıdeo,
Joǵary qaraı