Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

«Junior Eurovision» fınalynda Qaraqat Bashanovaǵa qalaı daýys berýge bolady

2020 jyldyń 27 qarasha 2020 16:04

NUR-SULTAN. QazAqparat - 29 qarasha kúni onlaın formatta «Junior Eurovision» tanymal mýzykalyq baıqaýy ótedi. Onda Qazaqstan atynan Qaraqat Bashanova óner kórsetedi. Baıqaýdy «Habar» telearnasy tikeleı efırde kórsetedi. Bastalýy – saǵat 22.00-de, dep habarlaıdy QazAqparat.

«Bıyl biz 11 eldiń qatysýshylarymen báıgege túskeli otyrmyz. Olardyń arasynda 3 ret jeń iske jetkender de bar. Mysaly, Grýzııa. Al, Malta, Belarýs, Reseı, Polsha sııaqty elder 2 ret jeńimpaz atan yp úlgergen . Bıylǵy jyl – bizdiń jeńis ti jylymyz bolýy kerek dep oılaımyn. Qaraqattyń jeńiske jetý i úshin barlyq múmkindigi bar « , - dedi aldaǵy halyqaralyq baıqaýdyń fınalyna arnalǵan baspasóz máslıhatynda «Habar» Agenttiginiń basqarma tóraǵasy Erlan Bekhojın.

Brıfıngige «Habar» Agenttiginiń basshylyǵymen qatar, Qaraqat Bashanova jáne mýzykalyq saıysta aıtylatyn ándi jazǵan belgili sazger Hamıt Shanǵalıev qatysty.

«Junior Eurovision» baıqaýynyń ashylý saltanatynda ótken jyly jeńimpaz atanǵan polıak ánshisi Vıkı Gabor ár eldiń óner kórsetetin rettik nómirin anyqtady. Nátıjesinde, Qaraqat «Forever» ánin ekinshi bolyp, ıaǵnı germanııalyq qatysýshynyń qoıylymynan keıin oryndaıtyny belgili boldy. Barlyǵy vırtýaldy sahnada 12 qatysýshy baq synaıtyn bolady.

Jarystyń erejesi boıynsha, jeńimpaz ádil qazylar alqasy músheleriniń daýys berýi jáne 2 kezeńde ótetin onlaın-daýys berý arqyly anyqtalady.

Qazaqstandyqtar Qaraqatqa ǵana emes, sondaı-aq basqa elderdiń qatysýshylaryna da daýys berýdiń biregeı múmkindigine ıe. Kórermenderdiń daýys berýi junioreurovision.tv saıtynda ótedi. Daýys berý 28-shi qarashadan 29-shy qarasha aralyǵynda konkýrstyń fınaly bastalǵanǵa deıin jalǵasady. Fınal aıaqtalǵannan keıin, kórermenderdiń ózderiniń súıikti ánshileri úshin daýys berýi úshin taǵy 15 mınýt ýaqyt beriledi.

Daýys berý jáne baıqaý týraly tolyǵyraq aqparatty silteme boıynsha bilýge bolady.


Aıta keteıik, eresekter arasynda ótetin «Evrovıdenıege» qaraǵanda, Junior Eurovision. án baıqaýynyń jeńimpazy bolǵan el kelesi jylǵy baıqaýdy óz jerinde ótkizý quqyǵyn avtomatty túrde ıelenbeıdi.

· Eresekter arasynda ótetin «Evrovıdenıeniń» taǵy bir aıyrmashylyǵy, Junior Eurovision án baıqaýyna qatysýshy elderge óz ókilderin qoldaýǵa ruqsat etiledi. 18-shi Junior Eurovision án baıqaýynyń jeńimpazy qazylar alqasynyń daýys berýi jáne onlaın-daýys berý arqyly anyqtalady. Daýys berý júıesi dástúrli negizde: 50% qazylar alqasynyń sheshimi jáne 50% onlaın daýys berý nátıjesine baılanysty. Onlaın daýys berý junioreurovision.tv saıtynda 2 kezeńde ótedi. Daýys berýdiń birinshi kezeńi 28 qarasha kúni saǵat 01:00-de ashylady jáne 29 qarasha kúni konkýrs fınalynyń tikeleı kórsetilimi bastalǵanǵa deıin jalǵasady. Daýys berýdiń ekinshi kezeńi barlyq qatysýshylardyń mýzykalyq qoıylymynan keıin bastalyp, 15 mınýtqa sozylady.

· Qazaqstan Junior Eurovision án baıqaýyna alǵash ret 2018 jyly qatysty. Onda Danelııa Tóleshova «Ózińe sen» ánimen altynshy orynǵa ıe boldy. 2019 jyly Erjan Maksım «Armanyńnan qalma» ánimen ekinshi oryndy (qazylar alqasynyń sheshimi boıynsha birinshi) ıelendi. Qazaqstannyń bul halyqaralyq baıqaýǵa úshinshi ret qatysýy «Habar» Agenttiginiń Eýropalyq habar taratý odaǵynyń (EBU) qaýymdasqan múshesi bolýynyń arqasynda múmkin boldy.

· «Junior Eurovision Song Contest» alǵash ret 2003 jyly Kopengagende (Danııa) 16 eldiń qatysýshylarymen ótkizildi. Telekórermender jáne qazylar alqasynyń jeńimpazdy birlesip anyqtaý rásimi 2008 jyldan bastaý alady. Ol ýaqytqa deıin daýys berýdi kórermender tikeleı kórsetilim kezinde júzege asyrdy. 2007 jáne 2008 jyldardaǵy saıystarda televızııalyq daýys berýden túsken paıda «UNICEF» – ke tapsyryldy. .

· 8 qazan kúni «Junior Eurovision» baıqaýynyń resmı saıtynda Qaraqat Bashanovanyń «Forever» atty ánine túsirilgen beınebaıany jarııalandy.. Jobanyń avtory - belgili qazaqstandyq stsenarıst jáne rejısser Málik Zenger. Tarıhı ózgeshelikterdi eskere otyryp, kıimderdi egjeı-tegjeıli oılastyrýmen tanymal stılıst Anarbek Járdemov bastaǵan «Qazaqfılm» AQ mamandary aınalysty. Túsirilim Almaty qalasynda ótti.

· 2020 jylǵy Junior Eurovision baıqaýyna Belarýs, Frantsııa, Grýzııa, Qazaqstan, Malta, Nıderlandy, Reseı, Serbııa, Ispanııa, Ýkraına, Polsha jáne Germanııa elderiniń ókilderi qatysady.


Avtor Mıra Tólendiqyzy
Basty sózder: Mádenıet, Óner, Qoǵam, BAQ,
Joǵary qaraı