Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kabýldaǵy kelissózder: Qazaqstan men Aýǵanstanǵa qandaı taýarlar jetkiziledi

2021 jyldyń 26 jeltoqsan 2021 15:25

NUR-SULTAN. QazAqparat - QR Saýda jáne ıntegratsııa mınıstri Baqyt Sultanov qazaqstandyq saýda-ekonomıkalyq mıssııanyń Aýǵanstanǵa barǵan delegatsııasyn basqardy, dep habarlaıdy QazAqparat atalǵan mınıstrliktiń baspasóz qyzmetine silteme jasap.

Qazaqstannan barǵan bir top delegatsııanyń quramynda saýda jáne ıntegratsııa mınıstrligi qyzmetkerleri, eksportty ilgeriletý jónindegi operatorlar, QazTrade kompanııasy jáne birqatar otandyq eksporttaýshy kompanııanyń ókilderi bar.

Sapar barysynda mınıstr Aýǵanstannyń premer-mınıstriniń orynbasary Abdýlla Salam Hanafımen, syrtqy ister mınıstri Amır Han Mýttakı, sondaı-aq atalǵan eldiń saýda jáne ónerkásip mınıstri M.A. Nýrıddın Azızımen kelissózder ótkizdi.

Baqyt Sultanov óz kezeginde aýǵan ákimshiliginiń ókilderine Qazaqstan BUU-nyń Aýǵanstandaǵy gýmanıtarlyq daǵdarysty eńserý jónindegi kúsh-jigerine tolyq qoldaý kórsetip, belsendi qatysyp otyrǵanyn jetkizdi. Dúnıejúzilik azyq-túlik baǵdarlamasy 20 myń tonna qazaqstandyq undy satyp aldy.

«Bizdiń elimiz, kóptegen halyqaralyq áriptester sııaqty, aýǵanaralyq qaqtyǵystyń belsendi kezeńi aıaqtaldy jáne eldi janjaldan keıingi kezeńde qalpyna keltirý ýaqyty keldi dep úmittenemiz», - dedi B. Sultanov.




Sondaı-aq, qazaqstandyq delegatsııa ókilderi eki jaqty saýdany taýarlar tizbesin keńeıtý esebinen de saqtaýǵa jáne ósirýge múddeli ekenin aıtty.

Aıta ketsek, Aýǵanstanǵa un men astyqty negizgi jetkizýshi bizdiń el. ıAǵnı qazaqstandyq un eksportynyń jartysynan astamy jáne astyq eksportynyń 10% -dan astamy tek aýǵan naryǵyna jóneltiledi.

Mınıstrlik usynǵan málemette aıtylǵandaı, ekijaqty kelissóz barysynda taýar aınalymy nomenklatýrasyn keńeıtý múmkindigine nazar aýdardy. Máselen, Aýǵanstannyń eksporttyq áleýetinde $360 mln somasynda 45 taýar túri bar. Atap aıtqanda tamaq, munaı-hımııa, hımııa, metallýrgııa, jeńil, mashına jasaý, aǵash óńdeý jáne taǵy basqa.

«Atalǵan taýarlardy saýda aınalymyna qosý eki el úshin de tıimdi bolady jáne ol ekijaqty saýda aınalymynyń artýyna yqpal etetini aıtyldy. Sonymen qatar, qazaqstandyq delegatsııa ókilderi Aýǵanstannan jemister men kókónisterdi satyp alýǵa daıyn ekendikterin jetkizdi. Jáne otandyq saýdagerler eki el arasyndaǵy saýda teńgerimin teńestirý qajettigine nazar aýdardy. Qazaqstan quratyn transshekaralyq yntymaqtastyq ortalyqtary, onyń ishinde «Ortalyq Azııa» halyqaralyq ónerkásiptik kooperatsııa ortalyǵy aýmaǵyndaǵy qazaqstandyq jáne Aýǵan bıznesiniń ónerkásiptik kooperatsııasy quraldardyń biri bola alady», - delingen habarlamada.

Odan bólek, sapar barysynda Baqyt Sultanov Qazaqstan-Aýǵan bıznes-forýmyna qatysty. Atalǵan sharada mınıstrmen birge azyq-túlik, jıhaz jáne toqyma ónimderin óndirýshi 16 otandyq ónerkásip ókilderi de boldy.

V2V kezdesýler men bıznes-forýmnyń qorytyndysy boıynsha Aýǵanstanǵa un, makaron jáne basqa da ónimderdi jetkizý boıynsha memorandýmǵa qol qoıyldy.


Joǵary qaraı