Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kadet synyptarynyń túlekterine JOO-ǵa qabyldaýda kvota qajet – BǴM

2022 jyldyń 20 mamyr 2022 12:35

NUR-SULTAN. QazAqparat – Kadet synyptarynyń túlekterine áskerı-tehnıkalyq baǵyttaǵy JOO-ǵa qabyldaý kezinde kvota qarastyrý kerek. Bul usynysty QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat.

«Kadet synyptarynyń túlekterine áskerı-tehnıkalyq baǵyttaǵy JOO-larǵa qabyldaý kezinde kvota qarastyrýdy usynamyz. Jalpy normatıvtik-quqyqtyq aktilerde kadet synyptarynyń jumysy reglamentteledi. Qazir elimizde jalpy bilim beretin mektepterdiń kadet synyptarynda 22 myńnan astam oqýshy bilim alyp jatyr. Oqý baǵdarlamalary, yntalandyrý paketteri jáne basqa da máseleler Qorǵanys mınıstrligimen birlesip sheshiledi», - dep jazdy Bilim mınıstri óziniń Facebook paraqshasyna.

Mınıstrdiń aıtýynsha, «Alǵashqy áskerı jáne tehnologııalyq daıyndyq» páni boıynsha oqý baǵdarlamasy tájirıbege baǵyttalǵan bilim men mashyq alý baǵytynda jańartylyp jatyr.

«Biz Qorǵanys mınıstrliginen 5 kúndik áskerı-dala oqý-jattyǵý jıyndaryn ótkizý úshin oqý polıgondaryn berýdi suradyq, bul «Alǵashqy áskerı jáne tehnologııalyq daıyndyq» pániniń baǵdarlamasynda bar. Sonymen qatar Qorǵanys mınıstrliginiń basshysymen birge oqý pánderi men oqý júktemesine túzetýler engizý máselelerin de talqylaǵanymyzdy qosa keteıin», - deıdi A. Aımaǵambetov.

Buǵan deıin Bilim mınıstri áskerı boryshyn ótegen jáne «Kadet» synybyn bitirgen túlekter ýnıversıtetke grant alý úshin 5% kvota bólinetinin jazǵan edi. Oǵan qosa, ýnıversıtet túlekteri áskerı qyzmetten ótse, grantty óteýden bosatylady.

Sonymen birge, Ashat Aımaǵambetov áskerı kafedralardyń barlyq qyzmetkerin qaıta attestatsııadan ótkizýdi, stýdentke nashar bilim berip, sapany kóterýdi oılamaıtyn áskerı kafedralardy jabýdy usyndy .



Joǵary qaraı