Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kadrlyq rezervke engen jastar úlken qurmetke laıyq – Roman Sklıar

2021 jyldyń 12 maýsym 2021 19:45

NUR-SULTAN. QazAqparat – QR Premer-Mınıstriniń orynbasary Roman Sklıar Prezıdenttik jastar kadrlyq rezerviniń qatysýshylarymen kezdesti, dep habarlaıdy QazAqparat tilshisi.

«Kadrlyq rezervte bolýdyń ózi kóp nárseni mindetteıdi. Sizderdiń árqaısysyńyzdyń jeke sektorda nemese memlekettik qyzmette óz ornyn tabatynyna jáne laıyqty oryn alatynyna senimdimin. Men sizderdiń qabiletterińizge súısinemin. Munyń bárin qalaı ótkizgenderińizdi, qandaı synaqtar bolǵanyn bilemin, áriptesterim túni boıy uıyqtaı almaǵandaryn, qansha tolqý bolǵanyn, kóbiniń ótpeı qalǵandaryn aıtatyn. Kadrlyq rezervke engen adamdar úlken qurmetke laıyq», -dedi Roman Sklıar elordada Prezıdenttik jastar kadrlyq rezerviniń forýmynda.

Roman Sklıar «Qalalardyń damýy jáne ýrbanıstıka» sessııasynyń basty qonaǵy boldy. Vıtse-premerdiń aıtýynsha, ol sońǵy bes jyldan beri aglomeratsııamen aınalysyp keledi.

«2050 jylǵa qaraı álemde ýrbandalý protsesi jedeldeıdi jáne boljam boıynsha álem halqynyń úshten ekisi qalalarda turatyn bolady (...). Іri qalalardaǵy eńbek ónimdiligi basqa aýmaqtarmen salystyrǵanda 30-50% joǵary bolyp otyr. Bizdiń elimizde respýblıkalyq mańyzy bar úsh qala, 14 oblys ortalyǵy jáne úlken Semeı qalasy, 27 mono jáne 42 shaǵyn qala bar. Búginde qalalarda 11,2 mln halyq turady.

Árıne, qordalanǵan máseleler kóp, olardyń sheshimi mindetti túrde bolady. Osyndaı qyzyqty taqyrypty jas ári talantty adamdardyń kóterip otyrǵany qýantady. Búgin de sizderden tıimdi usynys-keńester alamyz dep úmittenemin», - dedi Roman Sklıar.

Aıta keteıik, elordada Prezıdenttik jastar kadrlyq rezerviniń forýmy ótti. Forým rezervshilerdiń bastamasymen uıymdastyrylǵan.

Sonymen birge jıynǵa QR Premer-Mınıstriniń orynbasary Eraly Toǵjanov, QR Aqparat jáne qoǵamdyq damý mınıstri Aıda Balaeva, Bilim jáne ǵylym mınıstri Ashat Aımaǵambetov, Tsıfrlyq damý jáne aeroǵarysh ónerkásibi mınıstri Baǵdat Mýsın jáne Mádenıet jáne sport mınıstri Aqtoty Raıymqulova qatysty.



Joǵary qaraı