Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaladan aýylǵa qonys aýdarǵan aqmolalyq kelinshek ata kásipti órkendetýde

2021 jyldyń 17 qazan 2021 09:40

KÓKShETAÝ. QazAqparat - Aýyldyq jerde turatyn adamnyń basty baılyǵy – qolyndaǵy maly. Іsher asyń da, kıer kıimiń de osy maldyń esebinen. Búginde Aqmola oblysynda osy ata kásipti jańǵyrtyp, nápaqasyn taýyp otyrǵan sharýalar barshylyq. Sonyń biri – Qorǵaljyn aýdanyndaǵy Sabyndy aýylynyń turǵyny Lázzat Ábildınova memlekettik baǵdarlamanyń arqasynda mal basyn kóbeıtip, ata kásipti órkendetýde, dep habarlaıdy QazAqparat tilshisi.

Qoı baǵyp, sıyr saýý keıipkerimiz Lázzat Ábildınovanyń kúndelikti isi. Ol jubaıymen birge 2014 jyly ómirin túbegeıli ózgertý týraly sheshim qabyldady. Buǵan áleýmettik-turmystyq jaǵdaılar túrtki bolypty. Lázzat jumysynda qysqarýǵa ushyraıdy. Osydan ol kóp oılanbastan, kúıeýiniń týǵan aýylyna kóship, óz isin ashýǵa bel býady. Jınaǵan qarjysyna Qorǵaljyn aýdanynyń Sabyndy aýylynan úı satyp alady. Al kóligin satqan aqshaǵa úlken qora salady, Osylaısha ol fermerlik sharýashylyqty damytýǵa den qoıady.






«Bolashaq aýylda dep oılaımyn. Áleýmettik-turmystyq qıyndyqtarǵa baılanysty qaladan aýylǵa kóship keldim. Aýyldan óz qarajatymyzben úı satyp aldyq. Eski úıdi jóndep, mashınamyzdy satyp, qora saldyq», - dep sózin bastady keıipkerimiz

«Men negizi qalanyń qyzymyn, aýyl ómiriniń barlyq qyr-syrynan habarsyz boldym. Biraq «ómir úıretedi» demekshi, kúıeýim men ınternettiń arqasynda kóp nárseni úırendim. Úlken kisilerdiń aqyl-keńesine qulaq túrdim. Osylaısha, sıyr saýýdy, sút salyp, maı aıyrýdy úırendim.

Bastapqyda, árıne qıyndyqtar bolǵan. Mal satyp alatyn qarjysy bolmaǵan soń Lázzat «Atameken» ulttyq kásipkerlik palatasynyń shaǵyn jáne orta bıznesti qoldaý jónindegi baǵdarlamasynyń arqasynda kásipkerlik qyzmet negizderi kýrsynan ótip, jeńildetilgen paıyzdyq mólsherlememen nesıe alǵan.





«Jobalyq jumysymdy sátti qorǵap shyǵyp, jeke kásipkerligimdi ashyp, tıimdi sharttarmen 2 mıllıon teńge kóleminde uzaq merzimdi nesıe aldym. Birden aıtaıyn bul bizge úlken kómek boldy. Osy qarajyǵa 7 bas sıyr satyp aldyq, isimiz oń basty», - deıdi Lázzat Ábildınova.

Hakim Abaıdyń «Eńbek etseń erinbeı, toıady qarnyń tilenbeı» óleń joldary kásipker áıeldiń ómirlik ustanymyna aınalǵan. Onyń bul isti bastaǵanyna da 5 jylǵa jýyqtapty. Osy aza ǵana ýaqyttyń ishinde ol mal basyn eki esege kóbeıtken. Endigi maqsaty mal tuqymyn asyldandyryp, sút fermasyn salý. Qazirgi tańda, qurylys jumystary bastalyp ta ketken.






«Aldaǵy josparlarymyz orasan zor. Bordaqylaý alańyn saldyq. Endi 30-50 sıyrǵa arnalǵan úlken sút fermasyn ashqymyz keledi. Jalǵyz problema ol-jaılymdyq jer men shabyndyqtyń joqtyǵy. Eger memleket, jergilikti atqarýshy organdar bizge jer bólse, malǵa shóp shabý úshin tehnıkany lızıngige alar edik. Shóp óte qymbat, ony osyndaı kóp malǵa satyp alý tıimdi emes. Osy másele sheshimin taýyp jatsa, sýbsıdııa alyp, asyl tuqymdy mal ákelemin», - deıdi kásipker áıel.

Búgingi tańda Lázzat Ábildınovanyń «Alǵa» otbasylyq fermasynyń tabıǵı taza sút jáne sút ónimderine suranys kún sanap artyp keledi. Osynyń arqasynda otbasylyq bıznesi damyp, tabysy da arta bastaǵan.










«Saýyn sıyrlardan bólek, qazirgi ýaqytta bizde 27 bas iri bordaqylaýda tur. 23 jylqymyz, 100-ge jýyq qoıymyz, biraz qaz, taýyq jáne úıregimiz bar. «Alǵa» otbasylyq fermamyzda ekologııalyq jaǵynan taza ónimder - sút jáne sút ónimderin, maı, qaımaq, súzbe, aıran, qurt, mal eti, qus eti jáne jumyrtqa satamyz. Mine, birer jyl boldy, bıe baılap, sútin óńdep kelemiz. Satýǵa shyǵaramyz, úıge kelip-ketken meımandar shólin basady. Bul bir jaǵynan ózińe paıda bolsa, ekinshi jaǵynan, ulttyq dástúrimizdi ulyqtaý dep bilemin», - deıdi kásipker áıel.

Osylaısha, búginde mal ósirýge shyndap bet burǵan Lázzat Ábildınovanyń elorda beldeýin et jáne sútpen qamtamasyz etýde qosar úlesi mol.





Joǵary qaraı