Aýa raıy
Astana 17 °S
Almaty 29 °S
valıýta baǵamy
USD 412.55
EUR 468.66
RUB 5.79
CNY 58.80

Qalamańy jolaýshylar poıyzdarynyń qozǵalysy toqtatylady - Esmaǵambetova

2020 jyldyń 4 shilde 2020 11:54

NUR-SULTAN. QazAqparat - Erteńnen bastap qalamańy jolaýshylar poıyzdarynyń qozǵalysy toqtalady. Bul týraly QR Bas memlekettik sanıtar dárigeri Aıjan Esmaǵambetova aıtty, dep habarlaıdy QazAqparat tilshisi.

«COVID-19 aýrýynyń baqylaýsyz ósýine jol bermeý jáne densaýlyq saqtaý júıesiniń júktemesin azaıtý maqsatynda Memlekettik komıssııa osy jylǵy 5 shildede 00-00 saǵattan bastap 14 kúndik qatań shekteý karantındik sharalaryn engizý týraly sheshim qabyldady», - dedi ol Ortalyq kommýnıkatsııalar qyzmetindegi brıfıng barysynda.

Osyǵan baılanysty 3 shildede QR QR Bas memlekettik sanıtar dárigeriniń 44-shi qaýlysy shyqty.

«Qaýlyǵa sáıkes, óńirler arasynda áýe qatynastarynyń sany men reıster jıiligi arttyrylmaı saqtalady. Jolaýshylardy temir jol kóligimen tasymaldaý qysqartylady. Qalamańy jolaýshylar poıyzdarynyń qozǵalysy toqtatylady. Jolaýshylardyń jalpy vagondary jasaqtalmaıdy», - dedi Aıjan Esmaǵambetova.


Joǵary qaraı