Qamshybek Qońqabaev kásipqoı boksta úshinshi márte jeńiske jetti

NUR-SULTAN. QazAqparat - Bokstan Qazaqstan ulttyq quramasynyń kapıtany Qamshybek Qońqabaev kásibı rıngtegi úshinshi jekpe-jeginde de jeńiske jetti, dep habarlaıdy QazAqparat tilshisi.

Búgin ol Almaty qalasynda ótken WBO Asia Pacific bos tıtýly boıynsha reseılik Server Emýrlaevpen (23-1, 9 KO) qolǵap túıistirdi. Jekpe-jek on raýndqa josparlanǵan bolatyn. Degenmen altynshy raýndtan keıin reseılik boksshy saıysty jalǵastyrýdan bas tartty.

Aıta keteıik, buǵan deıin kásipqoı boksta Qamshybek Qońqabaev eki márte sharshy alańǵa shyǵyp, ekeýinde jeńiske jetti. Degenmen búgin alǵash ret tıtýldyq jekpe-jek ótkizdi.

Alǵash reseılik Isa Akberbaevtan aılasyn asyrsa, odan keıin ýkraınalyq Sergeı Radchenkony tize búktirdi.