Aýa raıy
Astana 12 °S
Almaty 17 °S
valıýta baǵamy
USD 389.59
EUR 429.06
RUB 6.05
CNY 55.07

Qanat Islam kópbalaly anaǵa elordadan baspana syılady

2019 jyldyń 20 qyrkúıek 2019 13:29

NUR-SULTAN. QazAqparat – Búgin kásipqoı boksshy Qanat Islam bastaǵan «QAZAQ promotions» promoýterlik uıymy «El-Nesibe» Qaıyrymdylyq qory» qoǵamdyq qory arqyly 8 balasy bar jalǵyzbasty anaǵa 2 bólmeli páter syılady, dep habarlaıdy QazAqparat tilshisi.

Promoýterlik uıymnyń málimetinshe, páter Nur-Sultan qalasynyń oń jaǵalaýynda Saryarqa aýdanynda ornalasqan. Baspana kópbalaly otbasyǵa yńǵaıly bolýy úshin irgesinde ornalasqan mektep jáne balabaqshanyń jaqyndyǵyna oraı arnaıy tańdaldy. Sondaı-aq, páterdiń ishi turmysqa qajetti barlyq tehnıkalarmen, tósek-orynmen tolyq jabdyqtalǵan.

Páterdiń kiltin jalǵyzbasty ana Gúlshat Baıadilovaǵa qazaq kásipqoı boksynyń jaryq juldyzy, WBO Inter-Continental chempıony Qanat Islam ózi tapsyrdy. Kópbalaly otbasy sońǵy sekýndtarǵa deıin baspanaly bolatynyn, onyń kiltin qazaqtyń maqtanyshy Qanat Islam tapsyratynyn bilmegen. Barlyǵy qupııa retinde saqtalǵan. Ómirde kóptegen qıyndyqtarǵa kezdesip, moıymaǵan anaǵa tosynsyıdy «El-Nesibe» Qaıyrymdylyq qory» qoǵamdyq qorynyń ókilderi arnaıy uıymdastyrǵan.







Gúlshat Baıadilova – «Kúmis alqa» ıegeri, 8 balany ómirge ákelip, er jetkizgen. Balasynyń aldy turmys quryp, jeke otbasy bolyp otyr. Ekinshi balasy naýqas, qarjynyń tapshylyǵynan medıtsınalyq kómek ýaqytyly kórsetilmegendikten, naqty dıagnozy anyqtalmaǵan. Úshinshi balasy kolledj stýdenti, al qalǵan 5 balasy mektep oqýshylary. Osy ýaqytqa deıin jer úıdiń aıadaı bir bólmesin panalap kelgen. Páterge tóleıtin qarajaty bolmaǵandyqtan, záýlim kottedjdiń qysta otyn jaǵyp, jazda kúlin tógip, aýlany tazalap, basqa da jumystar istegeni úshin tegin turǵan. «Klýb dobrıakov» kómek retinde, holodılnık, gaz plıtasyn, tósek, dıvan ákelip bergen. Oǵan deıin jerge jatyp júrgen eken.




Baspananyń zardabyn tartyp kelgen januıa jaǵdaıy týraly bilgen «El-Nesibe» Qaıyrymdylyq qory» qoǵamdyq qorynyń ókilderi jan-jaqtan kómek surastyra júrip, qazaqtyń jomart peıildi jaýjúrek uly Qanat Islamǵa osy jaıdy jetkizedi. Ol QR Prezıdenti Qasym-Jomart Toqaevtyń tikeleı qoldaýymen 5 shildede Almatyda ótken «Qanat Islammen boks keshi» atty sharadan jınalǵan qarjynyń bir bóligine kópbalaly otbasyǵa baspana alyp berýdi uıǵarǵan.

Joǵary qaraı