Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qanat Islamnyń kelesi qarsylasy týraly ne bilemiz

2021 jyldyń 15 aqpan 2021 22:21

NUR-SULTAN. QazAqparat – Orta salmaqta WBO nusqasy boıynsha International tıtýlynyń ıegeri, jeńilip kórmegen qazaqstandyq boksshy Qanat Islam (27-0, 21 KO) uzaq úzilisten keıin rıngke qaıta oralady, dep habarlaıdy QazAqparat boxingscene saıtyna silteme jasap.

Amerıkalyq basylymnyń habarlaýynsha, Qanat 20 aqpan kúni Maıamı qalasynda ótetin «Miami Title Night» boks keshinde óner kórsetedi. Qarsylasy ganalyq boksshy Obodaı Saı (35-3-1, 26 KO).

Aıta keteıik, 33 jastaǵy Obodaı Saıdyń kásipqoı reıngtegi laqap aty - «Ǵajaıyp», WBO tujyrymy boıynsha orta salmaqta afrıka chempıony.

Afrıkalyq boksshy kásipqoı karerasynda 35 jekpe-jek ótkizip, úsh aıqasynda jeńilis tapty. Onyń ekeýi tıtýldy jekpe-jek boldy. Sondaı-aq, ol 2018 jyly WBO tıtýlyn jeńip alyp, 2019 jyly tamyzda ótkizgen sońǵy jekpe-jeginde kongolyq boksshymen teń tústi.

Qanat Islam ótken jyly jekpe-jek ótkizgen joq. 2019 jyly otandasymyz jaraqatyna baılanysty araǵa bir jyl salyp, kásipqoı boksqa qaıta oraldy. Sondaı-aq, ol birinshi orta salmaqtan orta salmaqqa aýysyp, Almatyda domınıkalyq qarsylasy Hýlıo De Hesýsty (27-2, 24 KO) birinshi raýndta nokaýtqa jiberdi.

Qanat Islam orta salmaqtaǵy alǵashqy jekpe-jeginde WBO tujyrymy boıynsha International tıtýlyn ıelenip, sońǵy aıqasynda namıbııalyq Ýolter Kaýtondokvaǵa (18-2, 17 KO) qarsy shyǵyp, tıtýlyn sátti qorǵady. Qazaqstandyq boksshy orta salmaqta álemdik reıtıngide 14-orynda tur.


Avtor Muhtar Qalımollauly
Basty sózder: Boks, Sport,
Joǵary qaraı