Aýa raıy
Astana 0 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Qanat Qojyqaev Joldaý jaıly: Halyqtyq máseleler qozǵaldy

2020 jyldyń 21 qyrkúıek 2020 02:25

QARAǴANDY. QazAqparat - 1 qyrkúıek kúni el Prezıdenti Qasym-Jomart Toqaev Qazaqstan halqyna dástúrli Joldaýyn arnady. Ádettegideı mańyzdy qujatta kóptegen kókeıde júrgen máseleler qozǵalyp, onyń sheshilý joldary da usynyldy.

Memleket basshysy Joldaýyn elimizde oryn alǵan jaǵymsyz jaıt - koronovırýs indeti kezinde aıanbaı eńbek etken dárigerlerge, basqa da jaýapty mamandarǵa alǵys aıtýdan bastaldy. Derttiń aýyr kezeńi basylǵandaı kóringenimen, áli de tolyq beti qaıtqansha eki jyl ýaqyt qajet ekenin jetkizdi.

«Álemdi dendegen pandemııa áseri el ekonomıkasyna kesirin tıgizbeı qoıǵan joq. Joldaýdyń mańyzdy bólimi de osy álsiregen ekonomıkalyq-áleýmettik salany jetildirýge arnaldy. Úkimetke turaqtylyǵymyzdy saqtap, aldaǵy kúnderi órleýge qadam basýymyz úshin naqty josparlar jasaý tapsyryldy», - deıdi Jańaarqa aýdany ákiminiń orynbasary Qanat Qojyqaev.

Onyń ishinde aýylsharýashylyq sektoryn damytýdyń mańyzdylyǵy aıtyldy. Jer alý, uzaq merzimi nesıe alý, kásibı mamandardyń tapshylyǵy sekildi máselelerdiń sheshimin tez arada qolǵa alý qajet. Tehnologııany damytý, ásirese sýarý tehnologııasyn engizý qanshama jumysty jeńildetenin eskertip ótti. Aýylsharýashylyq shıkizatyn óńdeýdi damytý kerek ekendigin atap ótti.

Mańyzdy qujatta kóptegen salalardyń dendegen máseleleri sóz boldy. Keıbiriniń naqty sheshimderi aıtylsa, endi keıbiriniń sheshimin tabý úshin naqty josparlar men baǵdarlamalar jasaýdy jaýapty mamandarǵa tapsyrdy.

«Joldaýda aıtylǵan máseleler ol halyqtyń basyndaǵy máseleler. Sondyqtan onyń sheshimi úshin barlyǵymyz jumylyp, kúsh biriktirtirýimiz qajet. Biz mindetti túrde qıyndyqty eńseremiz!», - dep atap ótti Qanat Qojyqaev


Joǵary qaraı