Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qanat Taımerdenov: Sodyrlar bizge qarýdy tastap, berilińder dedi

2022 jyldyń 20 qańtar 2022 10:05

ALMATY. QazAqparat – Sodyrlar tártip saqshylarynyń qarýdy tastap, berilýin talap etken. Bul týraly Almaty qalalyq polıtsııa departamentiniń bastyǵy Qanat Taımerdenov aıtty, dep habarlaıdy QazAqparat tilshisi.

«5 qańtar kúni keshki ýaqytta 7 qarý-jaraq dúkenine shabýyl jasalyp, áskerı qarý-jaraq alǵany týraly kezekshi bólimge jedel aqparat túse bastady. Olardyń óz qarýy bolǵanyn da joqqa shyǵarmaımyn. Shamamen osy ýaqytta, qarýlanǵan jáne daıyndyǵy bar birneshe top departamenttiń ákimshilik ǵımaraty men qalanyń ár jerindegi polıtsııa basqarmalaryna shabýyl jasaýǵa nıeti bar ekeni jedel aqparat kózderinen belgili boldy. Olardyń maqsaty - qarý-jaraq arsenaldaryn basyp alý boldy. Bul týraly birden ІІM Erlan Turǵymbaevqa habarlandy. Elordada polıtsııa ǵımarattaryn qorǵaýdyń arnaıy josparyn dereý qoldanysqa engizý týraly sheshim qabyldandy jáne keıinirek belgili bolǵandaı, bul shara shynymen de der kezinde jasaldy», – dedi Qanat Taımerdenov.

Onyń aıtýynsha, ǵımarattarda qarý-jaraqtyń iri arsenaly bolǵandyqtan, eń aldymen tótep berý mańyzdy boldy.

«Men búkil polıtsııa bólimsheleriniń basshylarymen habarlasyp, yqtımal shabýyldarǵa daıyn bolýy úshin olar men olardyń jeke quramy oryndaryna ornyǵýyna buıryq berdim. Rasymen de, keshki saǵat jetiler shamasynda qarýly adamdar bizdiń ǵımaratqa jınala bastady. Alǵashynda qorqytyp, berilińder dep talap etti. Biraq biz berilýden bas tartqannan keıin, shabýyl bastaldy. Túnde bir ǵana departament ǵımaratyna 27 shabýyl jasalǵanyn aıtqan bolatynbyz. Tańǵa jýyq bizge kómek kerek boldy. Túngi úsh-tórt shamasynda bizde oq-dári taýsyla bastady. Biz bul týraly mınıstrge habarlaǵanymyzda, ol Ulttyq ulanǵa buıryq berip, olar brondalǵan arnaıy kólikpen bizge qaraı kirip, oq-dári jetkizip úlgerdi. Ol kezde biz munyń qanshalyqty tez aıaqtalatynyn túsinbedik», – deıdi Almaty qalalyq polıtsııa departamentiniń basshysy Qanat Taımerdenov.


Joǵary qaraı