Aýa raıy
Astana -14 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Qandastar Qazaqstannyń qaı aımaqtarynda turǵysy keledi

2020 jyldyń 27 qazan 2020 22:15

NUR-SULTAN. QazAqparat – S. Seıfýllın atyndaǵy Qazaq agrotehnıkalyq ýnıversıtetiniń professory, ekonomıka ǵylymdarynyń kandıdaty Qaırat Bodaýhan qandastardyń qaı óńirlerge kóbirek kóshetinin aıtyp berdi, dep habarlaıdy QazAqparat tilshisi.

«2003-2007 jyldar arasyndaǵy bes jylda 60 myń otbasyǵa kvota belgilengen jáne elimizge 250 myńnan astam qandas kóship keldi. ıAǵnı, sol kezde jyl saıyn 50 myńnan astam etnıkalyq qazaq kóship kelse, qazir bul kórsetkish bar-joǵy 1358 adam ǵana», - dedi Qaırat Bodaýhan «Otandastar qory» KEAQ janyndaǵy qoǵamdyq komıssııanyń otyrysynda.

Onyń aıtýynsha, 2017-2020 jyldary kvota sany nebári 7 411 bolsa da, kvotadan tys úsh jylda 2020 jyldyń bastapqy 8 aıyn qosa eseptegende, 60 707 qandas elge qonys aýdarǵan. Sońǵy 5 jylda 70 933 qandas kóship kelgen.

«Bul rette kvota bólinbegen 5 óńirge – Almaty, Jambyl jáne Túrkistan oblystaryna jáne Almaty men Shymkent qalalaryna 32 222 adam, al Mańǵystaý oblysyn esepke alǵanda – 43 006 adam kelgen, ıaǵnı tutas qandastar sanynyń 61%-y osy óńirlerge kelgen. Bul sandar adamdardyń ómir súrýge qolaıly aımaqtardy tańdaıtynyn kórsetedi, ıaǵnı tabıǵı-klımattyq jáne ekonomıkalyq faktorlarǵa basymdyq beriledi. Týystyq qatynastardyń bolýy da mańyzdy», - deıdi ǵalym.

Aıta keteıik, bıyl Qazaqstannyń 7 oblysyna 1378 etnıkalyq qazaqqa óńirlik kvota berilip otyr. 1991 jyldan beri elimizge 1 mıllıonnan astam qandas kóship kelgen.

Qandastardy qonystandyrý úshin Qazaqstannyń jeti óńirine basymdyq berilip otyr.


Avtor Aıjan Serikjanqyzy
Basty sózder: Qandastar, Aımaq,
Joǵary qaraı