Aýa raıy
Astana -20 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Qandastarǵa aýyl sharýashylyǵy maqsatynda jer beriledi – AShM

2020 jyldyń 27 qazan 2020 19:30

NUR-SULTAN. QazAqparat – Qandastarǵa sharýa nemese fermer qojalyǵyn júrgizý úshin ýaqytsha jer telimderi beriledi. Bul týraly QR Aýyl sharýashylyǵy mınıstrligi jer resýrstaryn basqarý komıtetiniń tóraǵasy Gúljahan Bımendına aıtyp berdi, dep habarlaıdy QazAqparat tilshisi.

«Qazaqstan Respýblıkasynyń Jer kodeksine sáıkes, qandastarǵa sharýa nemese fermer qojalyǵyn júrgizý úshin ýaqytsha jer paıdalaný (jalǵa alý) quqyǵy 10 jylǵa deıingi merzimge beriledi. Bul rette sharýa nemese fermer qojalyǵyn jáne aýyl sharýashylyǵy óndirisin júrgizý úshin qandastarǵa ýaqytsha jer ýchaskelerin berý aýyl sharýashylyǵy maqsatyndaǵy jerden, arnaıy jer qorynan, ımmıgratsııalyq jer qorynan jáne bos jerlerden júzege asyrylady», - dep túsindirdi G. Bımendına «Otandastar qory» KEAQ janyndaǵy qoǵamdyq komıssııanyń otyrysynda.

Sondaı-aq, qandastardyń sharýa nemese fermer qojalyǵyn nemese aýyl sharýashylyǵy óndirisine baılanysty ózge de qyzmetti júrgizý úshin arnaıy jer qorynan ýchaske alýǵa birinshi kezekte quqyǵy bar. Bul Jer kodeksiniń 46-babynda qarastyrylǵan.

«Bul talaptardy qandastar Qazaqstan Respýblıkasynyń azamattyǵyn alǵansha paıdalana alady. Sonymen birge, Qazaqstan Respýblıkasy jer balansynyń derekterine sáıkes 2019 jylǵy 1 qarashada 95,7 myń ga bos jer tirkelgen, onyń ishinde aýyl sharýashylyǵy alqaptary 78,3 myń gektar (egistik – 51,7 ga, jaıylym – 74,1 myń ga, shabyndyq – 2,1 myń ga, tyńaıǵan jerler – 2 myń ga). Al arnaıy jer qory 37,5 myń gektardy quraıdy. Barlyq aqparat jer komıtetiniń saıtynda jáne jergilikti atqarýshy organdardyń saıtynda kórsetilgen», - dedi Gúljahan Bımendına.


Joǵary qaraı