Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qandaı jaǵdaıda qalalar men óńirler «qoıý qyzyl» aımaqqa aýysady

2021 jyldyń 4 tamyz 2021 18:39

NUR-SULTAN. QazAqparat – Elordanyń bas sanıtarlyq dárigeri Sarhat Beısenova qala nemese óńirdiń qandaı jaǵdaıda «qoıý qyzyl» aımaqqa ótetinin túsindirdi, dep habarlaıdy QazAqparat tilshisi.

«QR aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııa otyrysynyń 2021 jylǵy 29 shildedegi hattamasy negizinde QR Bas memlekettik sanıtarııalyq dárigeriniń qaýlysy shyǵaryldy. Onda shekteýlerdi qabyldaý krıterııleri anyqtaldy jáne «qoıý qyzyl» aımaq anyqtamasy paıda boldy», - dedi S. Beısenova elorda ákimdiginde ótken brıfıngide.

Spıker koronavırýsqa qatysty atalǵan jańa mártebeni anyqtaý mehanızmi týraly aıtyp berdi.

«Qoıý qyzyl» aımaq» - 18 shilde men 2 tamyz aralyǵynda Qazaqstannyń 5 qalasy, onyń ishinde Nur-Sultan qalasy kirgen qaýipti aımaq (ınfektsııalyq tósek-orynnyń tolýy 70 paıyzdan asqanda jáne 100 myń turǵynǵa shaqqanda 200 tósek-oryn tolǵan jaǵdaıda). Osyǵan baılanysty, «Nur-Sultan qalasynda shekteý jáne karantın sharalaryn qatańdatý týraly» qaýly qabyldanyp, áleýmettik-ekonomıkalyq nysandardyń jumys rejımine tıisti ózgerister engizildi», - dep túıindedi S. Beısenova.


Joǵary qaraı