Aýa raıy
Astana 17 °S
Almaty 29 °S
valıýta baǵamy
USD 412.55
EUR 468.66
RUB 5.79
CNY 58.80

Qandaı jolaýshylar poıyzynyń toqtaıtyny belgili boldy

2020 jyldyń 4 shilde 2020 12:15

NUR-SULTAN. QazAqparat - 5 shildeden bastap elimizde birqatar baǵytta jolaýshylar poıyzynyń qozǵalysyna shekteý qoıylady. Bul týraly «Jolaýshylar tasymaly» AQ bas dırektorynyń mindetin atqarýshy Asylhan Qaldykózov aıtty, dep habarlaıdy QazAqparat tilshisi.

«QR Indýstrııa jáne ınfraqurylymdyq damý mınıstrliginiń kelisimimen osy jyldyń 5 shildesinen bastap Almaty-Saryaǵash baǵytyndaǵy poıyz ýaqytsha toqtaıdy. Áleýmettik mańyzy bar birneshe poıyzdyń qozǵalys jıiligi qysqartylady. Olar Nur-Sultan-Almaty, Almaty-Pavlodar, Nur-Sultan-Óskemen jáne Nur-Sultan-Dostyq», - dedi ol Ortalyq kommýnıkatsııalar qyzmetindegi brıfıng barysynda.

Sonymen qatar QR Bas memlekettik sanıtar dárigeriniń qaýlysyna sáıkes, 3 shildeden bastap 22 baǵdar boıynsha qalamańy jolaýshylar poıyzdarynyń qozǵalysy ýaqytsha toqtatylyp otyr. Buǵan qosa, jolaýshylar poıyzdaryndaǵy jalpy vagondar jáne Talgonyń 6 poıyzyndaǵy otyryp baratyn vagondar jabylady.


Joǵary qaraı