Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qańǵybas janýarlardyń sanyn azaıtýdyń jańa tásili aıtyldy

2021 jyldyń 27 qarasha 2021 16:44

NUR-SULTAN. QazAqparat – 2023 jyldan bastap elimizde úı janýaryn esepke qoıý mindeti engizilmek. Bul týraly QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıteti tóraǵasynyń orynbasary Danııar Turǵambaev málim etti, dep habarlaıdy QazAqparat tilshisi.

«Búginde elimizdiń janýarlardy qorǵaý týraly zań jobasy TMD-nyń «Janýarlarǵa jaýapkershilikpen qaraý» týraly modeli negizinde ázirlenip jatyr. Sondaı-aq, halyqaralyq praktıka da nazarǵa alyndy. Osy tusta erekshe aıtyp ótetin jaıttardyń biri 2023 jyldyń 1 qyrkúıeginen bastap úı janýarlaryn mindetti esepke qoıý engiziledi. Ol protsess úı janýary ıesiniń esebinen júrgiziledi. Al áleýmettik osal topqa jatatyn turǵyndardyń úı janýarlaryn bıýdjet esebinen tirkeýge alý usynylyp otyr. Osy jumysty júıeleý maqsatynda veterınarlyq qyzmet pen jergilikti atqarýshy organdarǵa esepke alynǵan janýarlar týraly aqparat berý ýaqyty belgilendi», - dedi Danııar Turǵambaev.

Sondaı-aq komıtet basshysynyń orynbasary qańǵybas úı janýarlar máselesin kóterdi.

«Qoǵamda bul máseleni sheshýdiń bir joly, ıesiz úı janýarlaryn aýlap, óltirý kerek degen qate oı bar. Osy oraıda jańa zań jobasynyń ıdeologııasy olarǵa adamgershilikpen qaraýdy kózdeıdi. ıAǵnı qańǵybas janýarlardyń sanyn sterıldeý (medıtsınalyq zalasyzdandyrý) arqyly azaıtý usynylyp otyr. Árıne, atalǵan jumys bıýdjetten qarjy talap etedi. Biraq bizdiń oıymyzsha bul oń sheshim jáne bul ádisti janýar janashyrlary da qoldap otyr. Jalpy qańǵybas ıtter men mysyqtardyń máselesi bir sátte sheshiledi dep aıta almaımyz. Ýaqyt óte kele biz usynǵan osy ádistiń tıimdiligi óz nátıjesin dep oılaımyn», -deıdi ol.

Eske salsaq, buǵan deıin habarlaǵanymyzdaı úı janýarlaryn mindetti esepke alý 2023 jylǵy 1 qyrkúıekten bastap engiziledi.


Joǵary qaraı