Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qańtar oqıǵalarynan keıin qansha adam qamaýdan bosatylǵany belgili boldy

2022 jyldyń 25 qańtar 2022 19:40

NUR-SULTAN. QazAqparat – Qańtar oqıǵalaryna baılanysty 9 257 ákimshilik is qaraldy. Bul týraly búgin Ortalyq kommýnıkatsııalar qyzmetinde QR Bas prokýratýrasy birinshi qyzmet basshysynyń orynbasary Eldos Qılymjanov málim etti, dep habarlaıdy QazAqparat tilshisi.

«Bas prokýratýra azamattardyń konstıtýtsııalyq quqyqtaryn qorǵaý jáne qańtardaǵy oqıǵalarda jasalǵan qylmystardyń mán-jaılaryn anyqtaý jumystaryn jalǵastyrýda. El Prezıdentiniń aýyrlatatyn mán-jaılar bolmaǵan kezde, jazany jeńildetý jónindegi tapsyrmasyn oryndaý aıasynda tıisti jumys júrgizildi. Búgingi kúni sottar qańtar oqıǵalaryna baılanysty 9 257 ákimshilik isti qarady. Olardyń jartysyna jýyǵy eshqandaı jaza qoldanbaı qaraldy - 4 584 adamǵa sot eskertý jasady», - dedi E. Qılymjanov.

Onyń aıtýynsha, qazirgi ýaqytta prokýrorlardyń ótinishteri boıynsha qamaýǵa alýdan 1 149 adam bosatyldy, 577-si boıynsha aıyppuldar eskertýlerge aýystyryldy, 393-i ákimshilik is quramy bolmaýyna baılanysty tolyǵymen toqtatyldy.

«Osylaısha, sotpen ákimshilik qaýmaýǵa alynǵan 3 314 adamnyń ishinen búgingi kúni tek 63-i qamaýda qalǵanyna erekshe nazar aýdaramyn. Bul rette prokýrorlardyń ákimshilik jazany jeńildetýge arnalǵan taǵy 13 ótinishhaty sottarda qaralýda», - dedi Eldos Qılymjanov.

«Jalpy, bıyldyń 25 qańtaryndaǵy jaǵdaı boıynsha jedel-tergeý toptarynyń óndirisinde 2 044 qylmystyq is bar. Osy ister boıynsha 898 kúdikti ustalǵan. Olardyń ishinen 802-si sottyń sanktsııasymen qamaýǵa alyndy, 50-ine úı qamaǵy, al 21 adamǵa kepil, 12-ine eshqaıda ketpeý qolhaty taǵaıyndaldy. 13-i boıynsha bultartpaý sharasy týraly másele qaralýda», - dedi Bas prokýratýra ókili.


Joǵary qaraı