Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qańtar tragedııasy: Bas prokýratýra tergeý kezinde kúsh qoldaný derekterin apta saıyn jarııalap turady

2022 jyldyń 27 qańtar 2022 18:56

NUR-SULTAN. QazAqparat – Bas prokýratýra protsessýaldyq is júrgizý kezinde kúsh qoldaný faktileri boıynsha júrgiziletin tekserýlerdiń nátıjesin apta saıyn jarııalap turady. Adam quqyqtary jónindegi ýákil Elvıra Ázimova quzyrly organmen osyndaı kelisimge kelgenin aıtty, dep habarlaıdy QazAqparat tilshisi.

«25 qańtarda Bas prokýratýra ókilderi prokýratýra organdaryna quqyq qorǵaý organdarynyń tergeý barysynda zańsyz tergep-tekserý ádisteri men azamattardyń quqyqtaryn buzýyna qatysty 109 aryz-shaǵym túskenin habarlady. Tekserý nátıjesinde 21 qylmystyq is qozǵaldy. Onyń ishinde tek bireýin arnaıy prokýrorlar, qalǵan 20-syn sybaılas jemqorlyqqa qarsy qyzmetkerler tergep jatyr. Aryzdanýshylardy qaıta jábirleýge jol bermeý úshin barynsha sharalar qabyldaý qajet. Qylmystyq isterdiń biri meniń atyma kelip túsken aryzdardyń negizinde Qylmystyq kodekstiń 145-baby boıynsha qozǵalǵan», - dedi ol «Habar-24» telearnasynda ótken brıfıngide.

Sondaı-aq, Elvıra Ázimova protsessýaldyq is júrgizý barysynda kúsh qoldaný faktileri týraly basqa shaǵymdar da tekseriletinin jetkizdi.

«Bas prokýratýramen olardyń nátıjelerin apta saıyn jarııalap turý týraly kelisimge keldik», -dedi Adam quqyqtary jónindegi ýákil.


Joǵary qaraı