Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Kapıtaldy elge qaıtarý jáne ofshorǵa qarjy shyǵarýǵa tosqaýyl qoıý jumystary júrgiziledi – Toqaev

2022 jyldyń 21 qańtar 2022 15:37

NUR-SULTAN. QazAqparat – Qazaqstanda eki baǵyt boıynsha jumys júrgiziledi, olar – kapıtaldy elge qaıtarý jáne ofshorǵa qarjy shyǵarýǵa tosqaýyl qoıý. Bul týraly QR Prezıdenti Qasym-Jomart Toqaev bıznes ókilderimen kezdesýde málimdedi, dep habarlaıdy QazAqparat.

«Úkimet ınvestıtsııalyq mindettemeniń oryndalýyna taldaý júrgizýi kerek. Dál qazir sheteldik ınvestıtsııalar úshin kúres shıelenisken kezde biz ishki rezervterge barynsha kóbirek arqa súıeýimiz kerek. Munda árıne, otandyq kompanııalardyń qarajaty týraly aıtylyp otyr. Eger sizder óz bolashaqtaryńyzdy Qazaqstanmen baılanystyrsańyzdar, onda qarajattaryńyzdy bizdiń elge qaıta ınvestıtsııalaý kerek. Sizderdiń Qazaqstan aldyndaǵy áleýmettik jáne saıası jaýapkershilikterińiz osy. Іs júzinde «Elde tabys tabamyz – ony shetelde jumsaımyz» degen qaǵıdattyń bolýyna budan bylaı esh quqyǵy joq», - dedi Qasym-Jomart Toqaev.

Memleket basshysy jumys eki baǵyt boıynsha júrgiziletinin aıtty.

«Sondyqtan jumys eki baǵyt boıynsha júrgiziletin bolady – elge kapıtaldy qaıtarý men kapıtaldy qaıtarýdy yntalandyrý, sondaı-aq ofshorǵa qarjy shyǵarýǵa tosqaýyl qoıý»,-dedi Qasym-Jomart Toqaev.

Joǵary qaraı