Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kapotta otyrǵan: Kólik aıdap áketken jasóspirimderdiń biri aýrýhanaǵa tústi

2021 jyldyń 12 maýsym 2021 20:41

AQTÓBE. QazAqparat - Aqtóbede jasóspirimder kólikti ruqsatsyz aıdap áketken. Kapottyń ústinde otyryp vıdeo túsirgenderdiń biri qulap ketip, aýrýhanaǵa tústi, dep habarlaıdy QazAqparat tilshisi.

Birneshe jasóspirim aýlada turǵan kólikti ruqsatsyz alyp, ózen jaǵasyna barǵan. Keri qaıtar jolda ekeýi kóliktiń kapotyna minip, telefonǵa vıdeo túsirgen. Sol kezde biri abaısyzda qulap ketken.

«Oı-shuńqyrly jolda kámelet jasqa tolmaǵan bala qulap qalyp, dene jaraqatymen aýrýhanaǵa tústi. Qazirgi kezde osy oqıǵa boıynsha Qylmystyq kodekstiń «Jol qozǵalysy erejesin buzý« babymen tergeý bastaldy.

Kámelet jasqa tolmaǵan balalar arasyndaǵy mundaı oqıǵa kóbine jol erejesin buzý men mádenıetsizdikten týyndaıdy. Ár adam jol erejesin bilip, saqtaýy tıis. Tipti rýlde jasóspirim otyrsa da osyny eskerýi qajet.

Al ata-ana balasyna jaýapty ekenin taǵy bir ret eske salamyz»,- dedi oblystyq Polıtsııa departamentiniń bastyǵy Atyǵaı Arystanov.


Joǵary qaraı