Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qapshaǵaı sý qoımasynan eki adam qutqaryldy

2021 jyldyń 20 qyrkúıek 2021 18:00

ALMATY. QazAqparat - Balyq aýlaǵa shyqqan eki jigitti Qapshaǵaı sý elektr stansasynyń qurylys aýmaǵyna qaraı aǵyzyp áketken, dep habarlaıdy QazAqparat tilshisi.

Almaty oblystyq Tótenshe jaǵdaılar departamentiniń málimetinshe, 19 qyrkúıek kúni saǵat 14:50 shamasynda Qapshaǵaı sý qoımasyna balyq aýlaýǵa rezeńke qaıyqpen attanǵan 2001 jáne 2002 jyly týǵan eki azamatty sý aǵyny Qapshaǵaı SES qurylysy jaǵyna alyp ketken.

«Oqıǵa ornyna TJD jedel-qutqarý jasaǵynyń qutqarýshylary motorly qaıyqpen jiberildi. Oqıǵa ornyna kelgen boıda, qaıyq Qapshaǵaı SES bógetine qatty aǵyspen kelip, ol jerden balalar óz betinshe shyǵa almaǵany anyqtaldy. Olar bógettiń qurylysyna kóterilip, kómek kútken», - dep habarlady vedomstvadan.

Eki jas jigitti qutqarýshylar jaǵaǵa jetkizip, olarǵa sýdaǵy qaýipsiz júris-turys erejelerin túsindirý boıynsha profılaktıkalyq jumys júrgizdi.


Avtor Alma Muqanova
Basty sózder: Almaty, Oqıǵa,
Joǵary qaraı