Aýa raıy
Astana 10 °S
Almaty 10 °S
valıýta baǵamy
USD 412.55
EUR 468.66
RUB 5.79
CNY 58.80

Qapshaǵaıda bir keliden astam gashısh saýdalaǵandar ustaldy

2020 jyldyń 4 tamyz 2020 16:53

TALDYQORǴAN. QazAqparat - Qapshaǵaı qalasynda esirtki tasymaldaýmen jáne ony saqtaýmen baılanysty kezekti qylmys áshkere boldy, dep habarlaıdy QazAqparat Polisia.kz-ke silteme jasap.

Oblystyq Esirtki bıznesine qarsy is-qımyl basqarmasynyń qyzmetkerleri «Hyundai» markaly avtokóliginde belgisiz tulǵalar iri kólemde esirtki alyp bara jatqany jáne ony odan ári satý josparlanǵany týraly jedel aqparat aldy. Esirtki tasymaldaýshylardy qolǵa túsirý sharasy Qapshaǵaıdyń saıajaı keshenderiniń birinde iske asyryldy.

– Jedel-arnaıy shara kezinde bizdiń qyzmetkerler «Hyundai» avtokóligin ustady, onyń ishinde eki er adam bolǵan. Tintý júrgizý kezinde kóliktiń júksalǵysh bóliginde tártip saqshylary kýágerlerdiń qatysýymen untaq túrindegi esirtki zaty bar polıetılen paketti tárkiledi, – dedi Almaty oblysy PD bastyǵynyń orynbasary Danııar Mendebaev.

Jeke tekserý kezinde kúdiktilerden esirtki ónimi salynǵan polıetılendi paket tabyldy. Sot-hımııalyq saraptama qorytyndysyna sáıkes tárkilengen ónimniń jalpy salmaǵy 1 keli 10 gramm boldy.



Basty sózder: Almaty oblysy, Esirtkimen kúres,
Joǵary qaraı