Qar, kóktaıǵaq, boran: 3 jeltoqsanǵa arnalǵan aýa raıy

NUR-SULTAN. QazAqparat - «Qazgıdromet» mamandary 3 jeltoqsan kúni Qazaqstanda aýa raıy qandaı bolatynyn málim etti, dep habarlaıdy QazAqparat.

Atmosferalyq fronttardyń áserinen el aýmaǵynyń keı jerlerinde qar jaýady. Ońtústikte jaýyn-shashyn (jańbyr, qar) jaýady, kóktaıǵaq bolady.

Birqatar óńirlerde tuman túsip, jaıaý burqasyn soǵady, jel kúsheıedi.

Jambyl, Aqmola oblystarynyń keı jerlerinde burqasyn kóteriledi, jel ekpini 15-20 m/s deıin kúsheıedi. Jambyl oblysynyń keı jerlerinde tuman túsedi, kóktaıǵaq bolady.

Almaty oblysynyń Jalańashkól aýdanynda jel qarqyny - 15-20 m/s. Túnde jáne tańerteń keı jerlerde tuman túsedi.

Túrkistan, Batys Qazaqstan, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı jerlerinde tuman túsedi.

Qaraǵandy ​​oblysynyń keı jerlerinde boran soǵyp, jel jyldamdyǵy 15-20 m/s jetedi.