Qar, tuman, kóktaıǵaq: Sınoptıkter 7 óńirde eskertý jarııalady

NUR-SULTAN. QazAqparat – «Qazgıdromet» RMK 25 qarasha kúni aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Atap aıtqanda, kúndiz Mańǵystaý oblysynyń keı jerlerinde qatty jaýyn-shashyn (jańbyr, qar) kútiledi. Keı jerlerde kóktaıǵaq bolady.

Kúndiz Atyraý oblysynyń keı jerlerinde qatty qar jaýady, tuman, kóktaıǵaq boljanady.

Batys Qazaqstan oblysynyń keı jerlerinde tuman, kóktaıǵaq, jaıaý burqasyn kútiledi. Kúndiz keı jerlerde qatty jaýyn-shashyn (qar, janbyr) bolady. Jel ońtústik-shyǵystan soǵady, kúshi keı jerlerde kúshi 15-20 m/s artady.

Qostanaı, Aqmola, Soltústik Qazaqstan jáne Túrkistan oblystarynyń keı jerlerinde tuman kútiledi.