Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qar, jańbyr: 20 qazan kúngi aýa raıy boljamy

2021 jyldyń 20 qazan 2021 03:15

NUR-SULTAN. QazAqparat – 20 qazan kúni elimizdiń batys, soltústik jáne ońtústik aýmaqtarynda aýa raıyn tsıklon jyrasy jáne onymen baılanysty atmosferalyq frontaldy bólikter anyqtaıtyn bolady. Soǵan baılanysty jańbyr kútiledi. Batysta jaýyn-shashyn jańbyr men qar túrinde bolady. Respýblıkanyń tek shyǵysynda jáne ońtústik-shyǵysynda antıtsıklon jotasynyń yqpalymen jaýyn-shashynsyz kún raıy saqtalady. Sondaı-aq eldiń batysynda jáne shyǵysynda tuman boljanady, ońtústik-shyǵysta, ońtústik pen batysta ekpindi jel turady, dep habarlaıdy QazAqparat.

Atap aıtqanda, «Qazgıdromet» RMK aqparatyna sáıkes, Batys Qazaqstan oblysynyń batysynda tuman kútiledi, kúndiz ońtústik-batysta jeldiń ekpini 15-20 m/s jetedi.

Atyraý oblysynyń basym bóliginde jel 15-20 m/s artyp, túnde batysta jáne ońtústikte tuman qalyńdaı túsedi.

Shyǵys Qazaqstan oblysynyń soltústiginde tuman kútiledi, ońtústik-shyǵysynda jel 15-20 m/s artady.

Kúndiz Qyzylorda oblysynyń soltústiginde jáne ortalyǵynda jel 15-20 m/s kúsheıedi, shańdy daýyl turady.

Almaty oblysynyń Alakól aýdanynda, Jambyl oblysynyń ońtústik-batysynda jáne taýly aýdandarynda jeldiń ekpini 25 m/s jetedi.

Mańǵystaý oblysynyń batysynda jáne soltústiginde, Aqtóbe oblysynyń ońtústik-batysynda, kúndiz Qostanaı oblysynyń batysynda, tańerteń jáne kúndiz Túrkistan oblysynyń taýly aýdandarynda jel 15-20 m/s artady.


Basty sózder: Aýa raıy, Qazgıdromet,
Joǵary qaraı