Aýa raıy
Astana -15 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Qara burysh koronavırýstan qorǵamaıdy - ǵalymdar

2020 jyldyń 28 qazan 2020 19:28

NUR-SULTAN. QazAqparat - Jelide qara burysh koronavırýsty juqtyrýdan qorǵaıdy jáne ony tıimdi aldyn alý sharasy retinde qoldanýǵa bolady degen aqparat keńinen tarap jatyr, dep habarlaıdy QazAqparat stopfake.kz resýrsyna silteme jasap.

Paıdalanýshylardyń sózine sensek, mundaı jańalyqty Úndi tehnologııa ınstıtýtynyń ǵalymdary ashqan.

Biraq álemdik ǵylymı qaýymdastyq úndi mamandarynyń tujyrymyn qoldaǵan joq. DDSU saıtynda qara burysh SARS-CoV-2 vırýsy jasýshalaryn toqtata alady degen málimdeme resmı joqqa shyǵaryldy.

«Árıne, taǵamǵa qosqanda ay burysh gastronomııalyq artyqshylyqtarǵa ıe, biraq COVID-19-dyń aldyn almaıdy jáne emdemeıdi» delingen DDSU resmı ınternet-platformasynda.

DDSU sarapshylary KVI kezinde ǵana emes, sonymen qatar basqa da vırýstyq aýrýlardyń aldyn alýdyń eń jaqsy sharalary teńdestirilgen tamaqtaný, kóp sý ishý, fızıkalyq belsendilik jáne durys uıqy bolyp tabylatynyn eskertedi.
COVID-19 pandemııasy kezinde áleýmettik qashyqtyqty saqtaý, maska taǵý, jıi qol jýý jáne sanıtaızerlerdi qoldaný usynylady.

Sondaı-aq, adam kóp jınalatyn jerlerge barmaý kerek. Sozylmaly aýrýy bar jáne 65 jastan asqan adamdarǵa qajetsiz úıden shyqpaýǵa keńes beriledi.


Basty sózder: Oqıǵa, Koronavırýs,
Joǵary qaraı