Aýa raıy
Astana 6 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy drama teatry jańa maýsymyn «Jas Abaı» qoıylymymen ashady

2020 jyldyń 29 qyrkúıek 2020 01:24

QARAǴANDY. QazAqparat - S. Seıfýllın atyndaǵy Qaraǵandy oblystyq qazaq drama teatry 8 qazanda jańa maýsymyn ashady. Kórermen Tóken Ibragımovtyń pesasy boıynsha qoıylǵan «Jas Abaı» spektakliniń premerasyn tamashalaı alady, dep habarlaıdy QazAqparat tilshisi.

Qoıylym Abaıdyń 175 jyldyǵyna oraılastyrylǵan. Spektakl aqynnyń balalyq, jastyq shaǵy jáne Abaıdyń Toǵjanmen mahabbaty jaıly baıandaıdy.

Rejısser Nurlan Jumanııazovtyń aıtýynsha, spektakl Muhtar Áýezovtiń «Abaı joly» romanynyń birinshi tomyna jáne Shákárim Qudaıberdiulynyń «Qodar men Qamqa» poemasyna negizdelgen. Qoıylymda realızm men sıýrrealızm elementteri bar, al keıipkerler proza jáne óleń shýmaqtarymen sóıleıdi.

«Jas Abaı» spektakliniń kompozıtory - Sydyq Muhamedjanov, mýzykalyq árleýshi - Sáýle Mustafına. Abaıdy sahnada Ahaı Jumamuratov pen Azamat Amantaı, Qunanbaıdy Bekmuhammed Kıekbaev pen Madııar Qoıshyǵarın somdaıdy.

Zereniń rólin Nurjibek Jansúgirova men Zlıha Ábdiǵalyqova, Uljandy - Gúlnár Bazarbaeva men Dınara Aıǵazınova, Toǵjandy - Saıagúl Táshimbekova, Nuraıym Tezekbaeva jáne Aınur Asylbekova oryndaıdy.

Teatr habarlaǵandaı, jańa maýsymnyń ashylýy karantın sharalaryn saqtaı otyryp ótedi. Zaldaǵy kórermen sany shekteýli - 50 adamǵa deıin. Kirý - qatań betperdemen.

Spektakldiń bastalýy: 18.30.








Joǵary qaraı