Aýa raıy
Astana 9 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy medýnıversıtetiniń stýdentteri provızorlyq statsıonarlarda kómek kórsetýde

2020 jyldyń 17 shilde 2020 14:36

QARAǴANDY. QazAqparat - Qaraǵandy medıtsına ýnıversıtetiniń stýdentteri provızorlyq jáne ınfektsııalyq gospıtaldarda dárigerlerge kómektesýde. Olar orta jáne kishi medıtsına qyzmetkerleriniń jumysyn oryndaıdy, dep habarlaıdy QazAqparat tilshisi.

Aǵa áriptesterine kómektesý týraly sheshimdi stýdentter qıyn kezeńde óz erikterimen qabyldaǵan. Internderdiń bir bóligi erikti negizde statsıonarlarda volonterler retinde jumys isteıdi. Basqalary naýqastarǵa úıge baryp, emhanalarda feldsherler jumysyn oryndaıdy.

Stýdentter 15 kúndik vahtamen jumys isteıdi. 7-shi kýrs ınterni Madııar Arǵynbaev óziniń alǵashqy vahtasyn maýsym aıynda professor H.J. Maqajanov atyndaǵy kópsalaly aýrýhanada jansaqtaý jáne qarqyndy terapııa bóliminde aǵa medıtsınalyq retinde ótkizdi. Sodan keıin Qaraǵandy qalasynyń №2 kópsalaly aýrýhanasy bazasynda ınfektsııalyq statsıonarda jumys isteı bastady. Madııar rezıdentýraǵa túsýdi josparlap otyr. Jas jigit kardıohırýrg bolǵysy keledi.

Madııarmen birge sol aýrýhanada meıirbıkeniń mindetin onyń kýrstasy Anar Eleýova da atqarýda.

«Meniń mindetim - patsıentterge kútim jasaý, taǵaıyndaýlardy, manıpýlıatsııalardy ýaqytyly oryndaý, baqylaý paraǵyn júrgizý. Osy qıyn kezeńde elge kómekteskenime qýanyshtymyn. Eń jaqsy kúnder alda ekenine senemin», - deıdi Anar.

Keıbir stýdentter erikti negizde aýyldyq klınıkalarǵa attandy. Mysaly, medıtsına ýnıversıtetiniń 5-shi kýrsyn bitirgen Sanat Kýshenov Pavlodar oblysynyń Maıqaıyń aýylyna ketti. Onda ol sanıtar bolyp jumys isteıdi.

«Bizdiń stýdentterimiz osyndaı qıyn ýaqytta eline óz erkimen kómek kórsetýdi sheshkenine qýanyshtymyz. Bul qandaı dárigerler býynyn tárbıelep jatqanymyzdy kórsetedi», - dep atap ótti medıtsına ýnıversıtetiniń baspasóz hatshysy Tatıana Ýlıcheva.











Joǵary qaraı