Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy mektebinde er adam muǵalimdi urǵan

2021 jyldyń 16 qazan 2021 15:26

QARAǴANDY. QazAqparat – Belgisiz er adam Qaraǵandydaǵy mektep-ınternatqa kirip, sabaq ústinde balalardyń kózinshe muǵalimdi uryp-soqqan. Bul oqıǵaǵa Qaraǵandy oblysynyń PD túsinik berdi, dep habarlaıdy QazAqparat tilshisi.

Instagram-daǵy tanymal paraqshalardyń birinde anonımdi habarlama jarııalandy. Jazbada qulaǵy nashar estıtin balalarǵa arnalǵan mektep-ınternatta oqıtyn bir oqýshynyń ata-anasy oqý ordasyna belgisiz bir er adam kirip, balalardyń kózinshe muǵalimdi uryp-soqǵany týraly jazylǵan.

Bul jaıtqa polıtsııa túsinik berdi

«Polıtsııa 14 qazanda №3 mektep-ınternatta osyǵan uqsas oqıǵa bolǵanyn anyqtady. 25 jastaǵy er adam osy oqý ornynda muǵalim bolyp jumys isteıtin áıelimen janjaldasqany belgili boldy. Erli-zaıyptylar arasyndaǵy áńgime balalar bolmaǵan kezde boldy. Sondaı-aq, janjal shyǵarǵan er adamnyń radıkaldy dinı uıymǵa qatysy joq ekeni anyqtaldy», - dep habarlady Qaraǵandy oblysy PD baspasóz qyzmeti.

Atalǵan fakti Qaraǵandy qalasynyń PB Kırov polıtsııa bóliminde tirkelgen. Sondaı-aq atalmysh jaıtty Qaraǵandy oblysynyń bilim basqarmasy da tekserip jatyr. Mán-jaıdy anyqtaǵan soń, sheshim qabyldanady», - delingen habarlamada.


Joǵary qaraı