Aýa raıy
Astana 20 °S
Almaty 20 °S
valıýta baǵamy
USD 412.55
EUR 465.73
RUB 5.79
CNY 58.91

Qaraǵandy oblystyq Taýarlar sapasyn baqylaý departamentiniń basshysy aýysty

2019 jyldyń 12 qarasha 2019 16:56

QARAǴANDY. QazAqparat - Qaraǵandy oblysynyń Taýarlar men kórsetiletin qyzmetterdiń sapasy men qaýipsizdigin baqylaý departamentine jańa basshy taǵaıyndaldy. Bul týraly QazAqparat óńir ákimdigine silteme jasap habarlaıdy.

QR Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý departamentiniń jańa basshysy Qanat Asqarov boldy. Qanat Asqarov 1975 jyly Ońtústik Qazaqstan oblysynda dúnıege kelgen. 2001 jyly Qaraǵandy memlekettik medıtsına akademııasyn «dáriger-gıgıenıst-epıdemıolog» mamandyǵy boıynsha bitirgen. 2009 jyly Qaraǵandy memlekettik ındýstrııalyq ýnıversıtetinde «ekonomıka bakalavry» dárejesin aldy. 2014 jyly tehnıka jáne tehnologııalar bakalavry boldy. «Áleýmettik gıgıena jáne densaýlyq saqtaýdy uıymdastyrý» mamandyǵy boıynsha joǵary biliktilik sanaty bar. Eńbek jolyn 2002 jyly Qaraǵandy oblysynyń SEQ radıologııalyq zerthanasynyń tehnık-dozımetrısi qyzmetinen bastady. 2003 jyly Qaraǵandy oblystyq memlekettik sanıtarlyq-epıdemıologııalyq qadaǵalaý departamentiniń sanıtarlyq qadaǵalaý bóliminiń jetekshi mamany boldy. 2006 jyly Qarajal boıynsha Memlekettik sanıtarlyq-epıdemıologııalyq qadaǵalaý departamentiniń basqarma bastyǵy qyzmetin atqardy.

2006-2008 jyldar aralyǵynda Temirtaý qalasynda basqarmany basqardy. 2013-2014 jyldar aralyǵynda QR Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń Qaraǵandy oblysy boıynsha departamenti basshysynyń orynbasary laýazymyna kiristi.

2014 jyly QR Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń Qaraǵandy oblysy boıynsha departamentiniń bas memlekettik sanıtarlyq dárigeri boldy. 2014 jyldan bastap 2018 jylǵa deıin Qaraǵandy oblystyq medıtsınalyq kómek stantsııasynyń dırektory qyzmetin atqardy. 2018 jyly «QR Densaýlyq saqtaý mınıstrliginiń Respýblıkalyq sanıtarlyq avıatsııa ortalyǵy» RMK Almaty boıynsha ókildiginiń dırektory bolyp taǵaıyndaldy. Jańa taǵaıyndaýǵa deıin Saran ortalyq aýrýhanasynyń dırektory bolyp jumys istedi.

Basty sózder: Aımaq, Qaraǵandy oblysy, Taǵaıyndaý,
Joǵary qaraı