Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysy joldarynda bir jarym jylda 200 adam kóz jumdy

2021 jyldyń 2 tamyz 2021 23:47

QARAǴANDY. QazAqparat – Qaraǵandy oblysynyń prokýratýrasy quqyq qorǵaý jáne arnaıy organdardyń úılestirý keńesiniń otyrysyn ótkizdi. Basqosýda óńirdegi jol qaýipsizdigi talqylandy, dep habarlaıdy QazAqparat tilshisi.

Keńeske onlaın formatta ýákiletti memlekettik organdardyń, oblystyq jáne aýdandyq ákimdikterdiń, sondaı-aq avtojoldarǵa qyzmet kórsetý salasyndaǵy uıymdardyń 80-nen astam ókilderi qatysty.

Sońǵy bir jarym jyldyń ishinde aımaqtyń joldarynda 200 adam qaza taýyp, 800-den astam adam mertigip qalǵan.

Onyń úshten biri - belsendi eńbekke qabiletti jastaǵy adamdar jáne árbir toǵyzynshy jol-kólik oqıǵasynda balalar zardap shekken.

Prokýratýra jol apattarynyń negizgi sebebi - júrgizýshilerdiń jol qozǵalysy erejelerin sanaly túrde elemeýi ekenin atap ótti.

Ólimmen aıaqtalǵan árbir ekinshi jol apaty jyldamdyqtyń artýyna baılanysty oryn alady. «Almaty – Ekaterınbýrg» jáne «Qyzylorda – Pavlodar» respýblıkalyq joldarynda 44 adam qaza tapqan.

«Sonymen qatar, jol ınfraqurylymynyń qanaǵattanarlyqsyz jaǵdaıy jáne quqyq buzýshylardyń jazasyzdyǵy jol apattarynyń artýyna áser etýde. Basqa da psıhologııalyq/narkologııalyq dıspanserlerde esepte turǵan tulǵalardyń kólikti basqarýy, janýarlardyń, qoǵamdyq jáne arnaıy kóliktiń qatysýymen bolǵan jol apattary, avtomektepterde oqytý sapasyna jetkilikti bolmaýy sııaqty qaterler de bar», - dep atap ótti prokýratýrada.

Jalpy alǵanda jol-kólik oqıǵalarynyń 50% (554) beınebaqylaý kameralary joq nemese búlingen, sondaı-aq jol belgileri joq eldi mekenderde oryn alady.

Temirtaý, Jezqazǵan qalalarynda beınetirkeý júıeleri múldem jumys istemeıdi.

Sondyqtan birlesken mindetterdiń biri retinde apatty ýchaskelerde beınekameralar ornatý úshin avtojoldar men jol qıylystaryna keshendi tekserý júrgizý belgilendi.

Jolda qaýipsizdikti qamtamasyz etý úshin baǵasy arzan quraldardy, atap aıtqanda jaıaý júrginshi ótken kezde avtomatty túrde qosylatyn proektsııalyq jaıaý júrginshiler ótkelderin ornatý jáne janýarlar ótkende shaǵylysatyn elementterdi paıdalaný usynyldy.

Otyrysta oqıǵa ornynda fototúsirilim jasaý úshin dron apparatyn paıdalana otyryp, kompıýterlik formatta JKO shemasyn modeldeý múmkindigi talqylandy.

Bul JKO boıynsha materıaldardyń sapasy men shynaıylyǵyn qamtamasyz etedi, olardy resimdeý ýaqytyn qysqartady jáne jol keptelisin azaıtady.

Jergilikti atqarýshy organdar men polıtsııa bul bastamany qoldady.

Otyrys qorytyndysy boıynsha jol qozǵalysy qaýipsizdigin qamtamasyz etýge baǵyttalǵan keshendi is-sharalar jospary ázirlendi.

Oǵan barlyq jańalyqtar men usynystar engizildi. Jospardyń iske asyrylý barysy baqylanady.


Joǵary qaraı