Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysyna bir kúnde qardyń 2 aılyq mólsheri jaýdy

2021 jyldyń 2 naýryz 2021 10:58

QARAǴANDY. QazAqparat – Qaraǵandy oblysynda 2 aqpan men 1 naýryz aralyǵynda joldarda tabıǵı apattan 129 adam qutqarylyp, jylytý beketterine 243 adam ornalastyryldy.

Bul týraly oblys ákimi Jeńis Qasymbek óziniń Facebook paraqshasynda jazdy, dep habarlaıdy QazAqparat.

«Apta boıy oblysymyzdyń soltústik bóliginde aýa-raıy qolaısyz boldy, qystyń sońǵy kúni qardyń 2 aılyq mólsheri jaýdy. Qazir barlyq qyzmetter joldardy tazalaýǵa jumyldyryldy. Jol jáne kommýnaldyq qyzmetter, TJD qutqarýshylary kúndiz-túni jumys istep jatyr. Bul rette men sizderdiń habarlamalaryńyzdy oqyp, tıisti jumystardyń jedel atqarylýyna basa nazar aýdaramyn. Tek oblys ortalyǵynda ǵana 300 - den astam arnaıy tehnıka jumys atqarýda. Birinshi kezekte jolaýshylar kóligi júretin joldar, aıaldama pavılondary, odan ári aýlalardyń kire beristeri men trotýarlar tazalanady»,-dep jazdy Qaraǵandy oblysynyń ákimi.




Sondaı-aq onyń jazýynsha, oblys joldarynda 24 merdigerlik uıym, 230 arnaıy jol tehnıkasy jumys isteıdi. Jalpy uzyndyǵy 705 km bolatyn 590 qar basý qaýipi joǵary ýchaskeler erekshe baqylaýǵa alynǵan. Sondaı-aq, táýlik boıy qalalar men aýdandardyń, onyń ishinde aýyldyq eldi mekenderdiń ákimderimen óńirlerdegi aǵymdaǵy jaǵdaı týraly jedel aqparattandyrý boıynsha jumys júrgizilýde.

«Osy rette qalyptasqan kúrdeli jaǵdaıda alǵa qoıylǵan mindetterdi oıdaǵydaı atqaryp, adamdarǵa kómek kórsetip jatqan barlyq azamattarǵa alǵysymdy bildiremin!»,-delingen habarlamada.





Basty sózder: Qaraǵandy oblysy, Aýa raıy, Ákim,
Joǵary qaraı