Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynan kólik urlaǵan kúdikti elordada polıtseıdi qaǵyp ketti

2021 jyldyń 25 qyrkúıek 2021 17:55

NUR-SULTAN. QazAqparat – Qaraǵandy oblysynyń Jańarqa eldi mekeninen kólik «Mıttsýbısı» markaly kólikti urlap, aıdap ketken kúdikti elordada ustaldy. Bul týraly Nur-Sultan qalalyq polıtsııa departamentinen málim etti, dep habarlaıdy QazAqparat tilshisi.

«25 qyrkúıek kúni saǵat 13:55-te 102 nómirine Qaraǵandy oblysynyń Jańarqa eldi mekeninen tańǵy saǵat 05:00-de «Mıttsýbısı» markaly avtomobıldi aıdap ketkeni týraly baǵyttama tústi. Qabyldanǵan is-sharalardyń arqasynda atalǵan kólik elorda aýmaǵynda baıqaldy. Avtopatrýlderge kólik urysyn ustaý týraly aqparat jedel taratyldy. Júrgizýshi polıtsııa qyzmetkerleriniń «toqta» degen zańdy talabyna baǵyndaı, azamattardyń ómiri men densaýlyǵyna qaýip tóndire otyryp, jol júrisi erejesin óreskel buzdy», - dep atap ótedi

















departamentten.


Vedomstvo málimetinshe, polıtsııa qyzmetkerleri kúdikti kólikti Tashenov kóshesi boıynda qorshaýǵa alǵan. Biraq, urlanǵan kóliktiń rólinde otyrǵan kúdikti artqa júrip, polıtsııa qyzmetkerin qaǵyp ketken. Polıtsııa qyzmetkeri dene jaraqatymen aýrýhanaǵa jetkizilgen.

«22 jastaǵy quqyq buzýshy ustalyp, ýaqytsha oqshaýlaǵyshqa qamaldy. Tergeý amaldary júrgizilip jatyr. Kólikti aıdap áketýmen qatar kúdiktiń ústinen QR QK 380-baby 3-tarmaǵymen qylmystyq is qozǵaldy», - dedi qalalyq polıtsııa departamentinen.


Joǵary qaraı