Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy oblysynda 5 adam brýtsellez juqtyrdy

2022 jyldyń 23 mamyr 2022 14:56

QARAǴANDY. QazAqparat – Qaraǵandy oblysynń Shahtınsk, Temirtaý jáne Abaı aýdanynda brýzellez dertin juqtyrýdyń 5 jaǵdaıy anyqtalǵan. Ol týraly óńirdiń sanıtarlyq epıdemıologııalyq baqylaý departamenti málim etti, dep habarlaıdy QazAqparat tilshisi.

Brýtsellezdi juqtyrý jaǵdaılarynyń 66,6%-ynda tamaqqa qaınatylmaǵan sút jáne sút ónimderin paıdalaný sebep bolǵan.

Sondaı-aq dertke shaldyqqandardyń basym bóligi sol sút ónimderin jeke tulǵalardan satyp alǵanyn aıtady.

Al qalǵan 33,3% jaǵdaıda tórt túlikti asyraý kezinde sanıtarııalyq-gıgıenalyq normalardy buzý, janýarlardy ýaqtyly zerthanalyq tekserýden ótkizbeýinen brýtsellez juqtyrǵan.

Brýtsellezdiń úı oshaqtarynan alynǵan synamalarda ınfektsııa qozdyrǵyshtary 7,8%-ynda sút ónimderinen, 1,1%-ynda tezekten, 2,2%-ynda shópten, 1,1%-ynda júnnen anyqtalǵan.

Bul zertteý nátıjesi mıkrobtardyń qorshaǵan ortaǵa taraıtynyn kórsetedi. Ol óz kezeginde ınfektsııanyń taralý faktory bolýy múmkin.

«Bıyl Shet, Buqar jyraý, Abaı, Aqtoǵaı jáne Osakarov aýdandarynda adamdar úshin brýtsellez qozdyrǵyshynyń negizgi kózderi sanalatyn iri qara jáne usaq mal arasynda osy derttiń 391 jańa epızootııalyq oshaǵy anyqtalǵan», - dep málimdedi Qaraǵandy oblysynyń sanıtarlyq-epıdemıologııalyq departamenti.

Brýtsellez - qaýipti dert, kóp jaǵdaıda naýqasta ınfektsııa aǵymynyń sozylmaly túri damıdy, sonyń saldarynan dárigerge ýaqytynda júginbese, adam múgedek bolyp qalýy múmkin.

Aýrýdyń ereksheligi – ınfektsııadan keıin aýrýdyń ótkir kezeńi bolmaýy múmkin, al klınıka birneshe aıdan, tipti jyldardan keıin paıda bolýy múmkin.


Joǵary qaraı