Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda adam kóp jınalatyn oryndarda dezınfektsııalaý qaıta bastaldy

2020 jyldyń 18 qazan 2020 00:53

QARAǴANDY. QazAqparat - Qaraǵandy oblysynda 16 qazannan bastap áleýmettik mańyzy bar nysandar men adamdar kóp jınalatyn oryndardy dezınfektsııalaý jumystary qaıta júrgizilip jatyr. Aıaldama pavılondary, balalar jáne sport alańdary, mektep aýmaqtary, shaǵyn jáne orta bıznes nysandarynyń, kóp páterli úılerdiń kireberisteri men aýlalary jáne t. b. óńdelýde, dep habarlaıdy QazAqparat tilshisi.

Búgingi kúni Buqar jyraý aýdanda jalpy aýdany 16 200 sharshy metr 58 nysan dezınfektsııalandy. Mundaı is-sharalar Buqar jyraý aýdanynyń barlyq eldi mekenderinde aptasyna 2-3 ret epıdemııalyq maýsym kezeńinde turaqty negizde ótkiziletin bolady.

Jańaarqa aýdanynda da dezınfektsııalyq jumystar qaıta jandandy. Atap aıtqanda, Qarajalda kósheler, saýda jáne qyzmet kórsetý nysandary, balalar oıyn jáne sport alańdary jáne adamdar kóp jınalatyn basqa da oryndar óńdeledi. Bul jumyspen qala eriktileri aınalysady.

Dezınfektsııa arqalap júretin búrikkishpen shashylady. Óńdeý úshin qoldanylatyn eritindi adam men úı janýary úshin qaýipsiz.

Temirtaý qalasynyń ákimdigi de koronavırýs ınfektsııasynyń taralýyna jol bermes úshin aýqymdy dezınfektsııalaý naýqanyn bastady.





17 qazanda saǵat 15.00-de dezınfektsııalaýshy eritindimen «Metallýrg» sport kesheni aýmaǵyndaǵy balalar alańy men sport qurylystary, Metallýrgter dańǵylyndaǵy balalar alańy men oıyn alańy, Mádenıet saraıynyń alańy, Metallýrgter monýmenti janyndaǵy alań, balalar aýyly aýdanyndaǵy balalar alańy óńdeldi.





Sondaı-aq, Temirtaý ákimi Qaırat Begimov qala avtoparkterine avtobýs salonyn sanıtarlyq óńdeýdi kúsheıtýdi tapsyrdy. Qoǵamdyq kólik júrgizýshilerin jeke qorǵanys quraly jáne antıseptıkpen qamtamasyz etý qajet. Avtopark qyzmetkerleri men jolaýshylardyń betperde rejımin saqtaýyn baqylaý tapsyryldy.





«Jolǵa shyǵar aldynda júrgizýshilerge jáne avtoparktiń qyzmet kórsetýshi personalyna qatań medıtsınalyq baqylaý jasalýy tıis. Sondaı-aq, qoǵamdyq kólik jolaýshysynyń betperde rejımin saqtaýyn nazardan tys qaldyrýǵa bolmaıdy», - dep atap ótti Qaırat Begimov.


Joǵary qaraı