Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda ákim saılaýynyń barysyn 400-ge jýyq baıqaýshy baqylap otyr

2021 jyldyń 25 shilde 2021 15:23

QARAǴANDY. QazAqparat – Qaraǵandy oblysynda aýyl ákimderin saılaý barysyn 400-ge jýyq baıqaýshy men kandıdattardyń senim bildirgen adamdary baqylap otyr. Buzýshylyqtar týraly eshqandaı málimdeme túsken joq. Bul týraly oblystyq saılaý komıssııasynyń tóraǵasy Erqara Aımaǵambetov tikeleı efırde ótken brıfıngte málimdedi, dep habarlaıdy QazAqparat tilshisi.

«Saılaý ýchaskelerinde qoǵamdyq birlestikter men saıası partııalardyń baıqaýshylary, kandıdattardyń senim bildirgen adamdary bolady. Barlyǵy - 391 adam. Olardan eshqandaı shaǵym túsken joq», - dedi oblystyq saılaý komıssııasynyń basshysy.

Aýmaqtyq saılaý komıssııalarynyń málimetinshe, saǵat 14:00-de saılaýshylardyń kelýi 48%-dy qurady.

Eń joǵary belsendilik Ulytaý, Qarqaraly, Osakarov aýdandarynda baıqalady.

Qaraǵandy oblysy polıtsııa departamenti bastyǵynyń orynbasary Ábil Ábildınniń aqparaty boıynsha, saılaý kúni jeke quram kúsheıtilgen kezekshilik rejımine kóshirildi.




Jaǵdaı turaqty, qoǵamdyq tártipti buzý anyqtalǵan joq.

Brıfıngte oblystyń bas sanıtar dárigeri ıÝrıı Zalygın sanıtarlyq sharalardyń qalaı saqtalatynyn aıtty.

Kireberiste kelýshilerdiń temperatýrasy ólshenedi. Saılaý komıssııalarynyń músheleri koronavırýstyq ınfektsııaǵa qarsy ekpe alǵan.

Baqylaýshylar men senimdi ókilder PTR-testileýden ótti.

Qaraǵandy oblysynda 149 eldi mekende ákim saılaýy ótip jatyr. Onyń nátıjesi boıynsha 75 ákim saılanady.





Joǵary qaraı