Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda ańshy ıtter jarysy ótti

2021 jyldyń 21 qazan 2021 19:43

QARAǴANDY. QazAqparat – Qaraǵandy oblysynyń Jańaarqa aýdanynda qumaı tazylardyń jarysy ótti. Oǵan 30-dan astam asyl tuqymdy ıt qatysty, dep habarlaıdy QazAqparat tilshisi.

«Qazaqtar ejelden tazyny jeti qazynanyń biri dep ataǵan, óıtkeni olar qys qatty bolyp, jut kelgen jyly mal qyrylǵanda tutas aýyldy ań aýlap, asyraǵan. Itter qardyń qalyńdyǵyna qaramastan, qoıannyń nemese túlkiniń izin taýyp, ıisin ońaı alady. Sonymen qatar, tazy ystyqqa da, sýyqqa da tózimdi. Bizdiń jarys ulttyq dástúrdi jańǵyrtýǵa baǵyttalǵan», - deıdi jarysty uıymdastyrýshylardyń biri Qaısar Seıpishev.

Tazylardyń jyldamdyǵy men eptiligin qazylar alqasy baǵalady. Olar birinshi oryndy Suńqar atty jas ańshy ıtke berdi.

«Meniń Suńqarym eki jasta. Bul onyń úshinshi jarysy. Kúshik kezinen ol óte belsendi, izine túsken ańynan aıyrylmaıdy. Mende úsh tazy bar. Olardy jarystarǵa qatystyrý úshin ustamaımyn. Olar meniń eń jaqsy dostarym», - dedi tazynyń ıesi Zańǵar Quttybaı.





Avtor Agata Mýhamedjanova
Basty sózder: Qaraǵandy oblysy,
Joǵary qaraı