Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda at sporty túrlerinen chempıonat ótti

2021 jyldyń 26 qazan 2021 21:50

QARAǴANDY. QazAqparat – Qaraǵandy oblysynda at sporty túrlerinen jasóspirimder arasynda chempıonat jáne at jarysynan eresekter arasynda ashyq týrnır ótti. Іs-shara el Táýelsizdiginiń 30 jyldyǵyna jáne Álıhan Bókeıhanovtyń 155 jyldyǵyna arnaldy, dep habarlaıdy QazAqparat tilshisi.

Chempıonatty Ulttyq sport túrleri qaýymdastyǵy jáne ulttyq jáne at sporty túrleri federatsııasy uıymdastyrdy. Oǵan óńirdiń alty aýdanynan 15-17 jastaǵy jasóspirimder qatysty.

«Chempıonatqa 2004–2006 jyly týǵan 70-ke jýyq bala qatysty. Olar kókpar tartýdan jarysty. Shet aýdany jeńiske jetti. Ekinshi oryndy – Jańaarqa, úshinshi oryndy Qarqaraly aýdany ıelendi. Olar sáıkesinshe 300, 150 jáne 70 myń teńge syıaqy aldy. Jeńimpazdar 3-10 qarashada ótetin Almaty oblysyndaǵy el chempıonatynda bizdiń oblystyń namysyn qorǵaıdy», – dedi Qaraǵandy oblysynyń ulttyq jáne at sporty túrleri federatsııasynyń basshysy Nurjan Shaıhın.

Kókpardan eresekter arasyndaǵy ashyq týrnırde qaraǵandylyq «Báıterek» komandasy úzdik dep tanyldy. Ekinshi jáne úshinshi oryndardy Buqar Jyraý aýdany men Aqmola oblysynyń «Babaı» jáne «Arshaly» komandalary ıelendi.

Eresekter arasynda at jarysy boıynsha: qunan-báıge (12 shaqyrym), alaman-báıge (20 shaqyrym) uıymdastyryldy.

Jarystyń eń qıyn kezeńi – alaman báıgede birinshi oryndy Aısa aýylynyń Máskeý atty tulpary jeńip aldy. Qunan-báıgede Qyzyljar aýylynan Qarajal atty sáıgúlik kósh bastady. Bas júldege avtomobılder tigildi.








Joǵary qaraı